Curso de verano
Bertsolarien kantaera eta sormena

Bertsolarien kantaera eta sormena

24.Ago - 25. Ago, 2017 Cód. K7-17

Descripción

Kantaera bertsoaren garrantzizko osagaia da. Bistakoa da, edo entzumenekoa, kantaera landua dutela goi-mailako hainbat bertsolarik, ekintza komunikatiboan duen eraginaren jakitun. Aldiz, bertso eskoletan oro har, ez da propio lantzen den alderdia. Eskas hori osatzen hasteko lehen urratsa izan daiteke ikastaldi hau. Ainhoa Aizpuruak egungo hainbat goi mailako bertsolariren kantaeren ezaugarriak emango ditu. Itziar Navarrok kantaera denboran zehar nola aldatu den esplikatuko du, eta Maialen Lujanbiok berriz, bera bezalako bertsolari batek doinua eta kantaera nola landu eta garatu dituen kontatuko du.

Ikastaroaren bigarren gaia bertsolarien sormena izango da: ahozkotasunak bertsolarien sormenean duen isla azalduko du Eñaut Agirrek; hedabideen gaitegiaren eragina gai-jartzaile eta bertsolarien sormenean zenbatekoa den adieraziko du Oihana Iguaranek; eta azkenik, bertsolarien bizipenak bertsolaria bertsoa kantatzen hastear den une zehatz horretan nolakoa den esplikatuko du Jon Martinek.

Leer más

Objetivos

Bertsolarien kantaeraren azterketen berri eman nahi dugu. Gaur egungo bertsolariek duten kantaeraren ezaugarrien berri emango dugu batetik. Bestetik, bertsolarien kantaera denboran zehar nola aldatu den erakusten duen ikerketaren berri emango dugu. Eta azkenik, goi-mailako bertsolari baten ahotik kantaera eta doinua bertsolariak nola bizi duen azalduko dugu.

Ahozkotasunak bertsolarien sormenean duen islaren berri emango dugu batetik. Bigarren urrats batean ikusiko dugu hedabideen gaitegiaren eragina gai-jartzaile eta bertsolarien sormenean. Eta azkenik, sortzeko unean bertsolarien bizipenak zeintzuk diren jakinaraziko dugu.

Leer más

Programa

24-08-2017

09:00 - 10:00

“Bertsolaritzaren prosodia: hitza eta musikaren arteko harremana ulertzeko gakoak“

  • Ainhoa Aizpurua Insausti EHU - Doktore gai
10:00 - 11:00

“Bertsolarien kantaeraren bilakaera denboran zehar. Oiartzungo kasua“

  • Itziar Navarro Ibañez Mintzola - Ikertzailea
11:00 - 11:15

Pausa

11:15 - 12:15

“Zer da doinua, zer da kantaera bertsolariarentzat?“

  • Maialen Lujanbio Zugasti Bertsozale Elkartea - Bertsolaria
12:15 - 12:30

Pausa

12:30 - 13:30

Mesa Redonda: “Mahai ingurua: Bertsolarien kantaera“

  • Karlos Aizpurua Etxarte Mintzola Ahozko lantegia                 - Ikerkuntza eragilea                 (Modera)
  • Ainhoa Aizpurua Insausti Euskal Herriko Unibertsitatea - Doktore gai
  • Itziar Navarro Ibañez Mintzola Ahozko Lantegia                 - Ikertzailea                
  • Maialen Lujanbio Zugasti Bertsozale Elkartea                 - Bertsolaria                

25-08-2017

09:00 - 10:00

“Ahozko hizkera dominatzeak zenbateko garrantzia dauka bertsolarien jardunean?“

  • Eñaut Agirre Goia Euskal Herriko Unibertsitatea / Mintzola Ahozko Lantegia - Doktore gai
10:00 - 11:00

“Bertsoaren agenda. Bertsogintza eta hedabideak“

  • Oihana Iguaran Barandiaran Euskal Herriko Unibertsitatea - Doktore gai
11:00 - 11:15

Pausa

11:15 - 12:15

“Jarioa da sormenaren gakoa“

  • Jon Martin Etxebeste Euskal Herriko Unibertsitatea / Mintzola Ahozko Lantegia - Doktore gai
12:15 - 12:30

Pausa

12:30 - 13:30

Mesa Redonda: “Mahi ingurua: Bertsolarien sormena“

  • Karlos Aizpurua Etxarte Mintzola Ahozko Lantegia          - Ikerkuntza eragilea          (Modera)
  • Eñaut Agirre Goia Euskal Herriko Unibertsitatea / Mintzola Ahozko Lantegia - Doktore gai
  • Oihana Iguaran Barandiaran Euskal Herriko Unibertsitatea          - Doktore gai         
  • Jon Martin Etxebeste Euskal Herriko Unibertsitatea / Mintzola Ahozko Lantegia          - Doktore gai         

Directores

Karlos Aizpurua Etxarte

Bertsozale Elkartea, Ikerkuntza eragilea

Karlos Aizpurua Etxarte (Oiartzun, 1.971). Euskal Filologia (Deustuko Unibertsitatea) eta Enpresa ikasketak (EHU) egin zituen. Mondragon Unibertsitateko Euskal Kulturgintzaren Transmisioko ikasketak egin zituen eta UNEDen Idazle Eskola gradu-ondokoak. Oso gaztetatik bertsolaritzaren hainbat esparrutan aritu da: bertsolari, gai-jartzaile, Hitzetik Hortzera saioko erredaktore, Bertsolari Txapelketa Nagusiko langile; bertsogintzako iruzkingile (Euskadi Irratia, Gara, Euskaldunon Egunkaria eta Berria)... 1989tik 2010era bertsolaritzaren irakaskuntzan aritu zen, Oarsoaldean lehenik, eta, 1998az geroztik Ipar Euskal Herrian gaindi. Iparraldean bertsolaritza irakasle aritzeaz gain, transmisioari lotutako aisialdiko proiektuak diseinatu eta kudeatu zituen. Iparraldeko ikastoletan bertsolaritza irakasteko modu berria aplikatu zuen eta ondorioz hamaika bertso eskola eta bertsolari sortu ziren. 2.010az geroztik Bertsozale Elkarteko Ikerkuntza eragilea da.

Ponentes

Eñaut Agirre Goia

Euskal Filologian lizentziatua da. Euskal Hizkuntzalaritza eta Filologia Masterra egina du. Arabako Ikastolen Elkartean aritu zen lanean Bertsolaritza eta Ahozkotasuna proiektuko arduradun gisa. Hamalau urtez Hernaniko Kronikan aritu zen kazetari bezala. Dobera Euskara Elkartea eta Aranzadi Zientzia Elkartearekin aritu zen lanean, Hernaniko hizkuntza eta natura ondarea biltzen. Burbunak eta etsayak: Hernaniko natura eta ahozko ondoreari tiraka laneko gidoigile eta Ziraba hezkuntza proiektuan koordinatzaile ere aritu zen. 2015ean Mikel Laboa Katedrako Ikerketa proiektu saria jaso zuen eta iaz, Mintzola Ahozko Lantegiak eta Mikel Laboa Katedrak deitzen duten bertsolaritza ikerketa kontratua lortu zuen, «Ahozko hizkeraren ezaugarriak bertsolarien bat-bateko jardunean» izeneko tesia gauzatzeko.

Ainhoa Aizpurua Insausti

Gasteizko Jesus Guridi kontserbatorioan egin zuen musikako erdi mailako gradua, zeharkako txirulako modalitatean. Euskal Ikasketetan graduatu zen EHUn. Irakasleen Prestakuntzarako masterra (EHU) burutu zuen gero, eta irakasle masterra egin bitartean aritu zen Mintzolak eta Mikel Laboa Katedrak (EHU) emandako ikerketa proiektu saria gauzatzen: bertsolaritzaren prosodian esanguratsu diren zenbait osagairi buruzko ikerketa-lan monografikoa. Euskal Hizkuntzalaritza eta Filologia masterra (EHU) bukatu zuen aurreko urtean, eta gaur egun doktoretza egiten ari da bertsolaritzaren prosodiaz.

Oihana Iguaran Barandiaran

Ikus-entzunezko Komunikazio ikasketak egin zituen Leioan eta kazetari gisa jardun zuen lanean. Gizarte Komunikazio Masterra egin zuen EHUn. Haur zela gerturatu zitzaion bertsolaritzari eta azken urteotan bertsozale ez ezik bertsolari bezala dabil askotan. Etengabe marraztu ditu ofizioaren eta afizioaren arteko loturak, eta beharbada horregatik ari da doktoretzako ikerketan. Egiten ari den doktore tesiaren baitan, bertsoaren agenda edo gaitegia zein den deskribatu nahi du, hedabideek bertsolaritzan duten eraginetik abiatuta.

Maialen Lujanbio Zugasti

Arte ederretan lizentziatua da. Gazte-gaztetik hasi zen bertsotan plazan eta geroztik ez da geratu, ez bertsotan, ezta bestelako sorkuntzetan, hitz, hots eta musikazkoetan. 2003an Gipuzkoako txapeldun izan zen; 2009an Euskal Herriko txapeldun eta 2013an txapeldunorde izan zen. Bere bertsogintza berrituz eta eraldatuz joan da. Bilakaera eta lanketa horren emaitza arrakastatsua izan da, bertsogintza orokorrari ekarpen berritzaileak txertatzeraino. Eraldaketa horretan leku nabarmena du doinua kantatzeko erak, urteetan zehar eraldatzen joan dena, hain segur, egindako gogoeta, bidea eta lana lagun.

Jon Martin Etxebeste

UPV/EHU, Didáctica de la lengua

Jon Martin Etxebeste es un bertsolari que imparte clases en la Facultad de Educación de Leioa. Licenciado en Publicidad y Relaciones Públicas y graduado en Educación Infantil, ha trabajado en diversos medios de comunicación y ha sido profesor en varias escuelas. Tiene dos libros y tres discos publicados.

Itziar Navarro Ibañez

Euskal Herriko goi-mailako musika ikastegian burutu zituen interpretazio ikasketak gitarra espezialitatean. Jose de Azpiazu musikagileari buruzko ikerketarengatik karrera amaierako ohorezko aipamena jaso zuen. 2014an Musikologia Kulturaleko master ikasketak egin zituen Georg-August-Universität-ean (Göttingen, Alemania). 2016an, berriz, Grezian izan zen TEI Epirus-eko Herri-musikarako departamentuan, Erasmus programaren baitan. Gaur egun Soinuenea Herri Musikaren Txokoan ari da lanean eta Oiartzungo bertsolarien kantaeraren bilakaerari buruzko ikerketan dabil. Aipatu ikerketaren proiektuak Mikel Laboa Katedrak eta Mintzola Ahozko Lantegiak urtero plazaratzen dituzten sarietako bat jaso zuen iaz.

Precios matrícula

MATRICULAHasta 31-05-2017Hasta 24-08-2017
60,00 EUR70,00 EUR
35,00 EUR -
20,00 EUR20,00 EUR
35,00 EUR -
50,00 EUR -
- 35,00 EUR

Lugar

Palacio Miramar

Pº de Miraconcha nº 48. Donostia / San Sebastián

Gipuzkoa

43.3148927,-1.9985911999999644

Palacio Miramar

Pº de Miraconcha nº 48. Donostia / San Sebastián

Gipuzkoa

Otros cursos que te pueden interesar...