Adimen Artifizialari, Etikari eta Legeriari buruzko I. Jardunaldia

25.Eka

Kod. G25-21

Erabilgarritasuna kalkulatzen...

Itxarote zerrenda
Data gaindituta

Workshop-a aurrez aurre ospatuko da eta online zuzenean parte hartzeko aukera ere egongo da ZOOM bidez. Matrikula prozesuan nola parte hartuko duzun aukeratu: aurrez-aurre edota online zuzenean.

Adimen artifizialaren definizioa eta erreferentziak aurreko mendearen erdialdetik aurrera egon arren, gero eta nabarmenagoa da haren protagonismoa eremu zientifiko, industrial edo sozialean. Disruptibo adjektiboarekin, gure bizitzako alderdi guztietan jauzi kualitatibo eta kuantitatibo bat markatuko duen teknologia gisa aurkezten da. Eta, hain zuzen, hamaika aukera eskaintzen dizkigu, baina beste teknologia batzuekin gertatu den bezala, haren diseinua, garapena eta aplikazioa interes jakin batzuek baldintzatu eta mugatuko dituzte. Adimen Artifizialari, Etikari eta Legeriari buruzko I. Jardunaldi honetan adimen artifizialari buruz arituko gara hainbat ikuspuntutatik eta jakintza-arlotatik: teknologiak, giza zientziak eta zientzia juridikoak. Hala, arlo desberdinetako adituek beren ikuspegia eta esperientzia eskainiko dizkigute, Adimen Artifiziala zer den zuzenean ezagut dezagun, eta teknologia berri horrek sortzen dituen alderdi etiko eta legalak ezagut ditzagun.

Helburuak

Adimen artifizialak hainbat diziplina eta teknologia biltzen ditu. Horrek terminoen eta deskribapenen nahasketa dakar, nahasgarriak izan ohi direnak. Gainera, adimen artifiziala arlo zientifiko-teknikotik bideratzen da batez ere, eta alderdi etiko eta legalak bigarren mailan uzten ditu.

Adimen Artifizialari, Etikari eta Legeriari buruzko I. Jardunaldiaren helburua teknologia disruptibo horri buruzko hausnarketa kritikoa eta diziplina anitzeko eztabaida sustatzea da. Horretarako, ikuspegi dibulgatzaile batetik, Adimen Artifiziala aztertuko da, funtsezko hiru alderditan sakonduz: (1) Zer da eta nola funtzionatzen du Adimen Artifizialak, (2) Zer alderdi etiko hartu behar ditugu kontuan Adimen Artifizialean oinarritutako sistema bat diseinatu edo erabiltzen dugunean, eta (3) Nola bateratu pribatutasun-, askatasun- eta berdintasun-eskubide oinarrizkoak agertoki berri horretan.

Jarduera nori zuzenduta

  • Unibertsitateko ikasleak
  • Unibertsitarioak ez diren ikasleak
  • Irakasleak
  • Profesionalak
  • Publiko orokorra

Kolaboratzaileak

  • Gipuzkoako Foru Aldundia
  • Informatika Fakultatea UPV/EHU
  • Basque Center for Applied Mathematics (BCAM)
  • Aurrez aurre eta online zuzenean ikastaroa
    • Gizartea
    • Zientzia eta teknologia
  • 25.Eka
  • Miramar Jauregia
  • Gaztelera
    Euskara
  • Balio akademikoa: 10 ordu