Aktibatu 2019. Natura turismoa eta Iraunkortasunaren VII. jardunaldiak
Natura turismoan sektoreko profesionalak, sektore pribatuko zein publikoko bestelako profesionalak edota turismoa eta iraunkortasunarekin zerikusia duten ikertzaileak eta ikasleak biltzen dituen ekimena eta eztabaidarako gunea dira AKTIBATU jardunaldiak. Turismoa lehen mailako sektore ekonomikoa den garai honetan, ezinbestekoa da turismo-estrategiak iraunkortasun klabeetan lantzea, sektorearen balio-katea indartzen eta lurralde osoan turismo-eskaintza lehiakorra garatzen laguntzen duten jarduera eta enpresa berriak sustatzea. Azken finean, gizarte guztiarentzat onuragarria izan daiteken turismo baten aldeko apustuan indar egitea.
Aurreko edizioetako esperientzia positiboak bultzatuta, Bizibiziki enpresak sektoreko profesional esanguratsuak eta nazioarteko esperientzia berritzaileak bilduko ditu 2019ko egitarauan. Goizeko protagonista nagusiak hitzaldiak izango dira; Euskal Herria zein nazioarte mailako hizlariak izango dira, beraien esperientzia eta ezagutzak elkarbanatu eta gurera estrapolatu daitezkeen gaiak jorratuko dituzte.
Harreman profesionalak indartu eta elkarlana sustatzeko helburua duen networking saioa burutuko da beste urte batez. Parte hartzaileen artean hitzorduak adosteko aukera izango dute online plataforma baten bidez.
Edizio honetan arratsaldeko tartean, hizkuntzen eta jarduera turistikoan arteko elkarbizitzan inguruan hausnarketa gunea sortuko dugu. UNESCOk izendatutako Hizkuntza Indigenen Nazioarteko Urtea ospatuko dela eta, turismoa eta bereziki hizkuntza gutxituen gaiari helduko dio AKTIBATU jardunaldiak. Gai honen inguruan landutako ekimen aipagarrien erakusleihoa izateaz gain, eguneko azken saioan euskara eta turismoaren arteko bizikidetza aztertzeko mahai ingurua egingo da. Hizkuntza eta turismoan agente aktiboak diren erakundeetako ordezkariek gai honek mahaigainertzen dituen kezka eta erronkei buruz eztabaidatzeko aukera izango da.
AKTIBATU Ekintzaile
Aurreko edizioan bezala, AKTIBATU jardunaldiak ekintzaileei lekua egin nahi zaie, landa edo natur turismoarekin (ekoturismoa, abentura turismoa, landa turismoa…) erlazionatutako negozio- proiektuak aurkezteko deialdi ireki batez bidez. Jasotako guztietatik bi proiektu hautatuko dira, deialdian zehaztutako irizpideak kontuan harturik, eta otsailak 7an entzule guztien aurrean aurkezpen dinamizatu bat burutuko dute. Jardunaldien ondoren Bizibizikik aholkularitza eta laguntza eskainiko die landutako proiektua borobiltzeko eta honen jarraipena egiteko (lan-ordu poltsa bat egongo da).
Formakuntza programa
“Ondarearen interpretazioa eta gidaritza” ikastaroa
Turismoan sektoreko etengabeko formakuntza izan da AKTIBATU jardunaldien erronketako bat hasieratik. Edizio honetan, otsailak 25etik martxoak 1a bitarte, natur eta kultur ondarearen interpretaziorako formakuntza eta gidarien zertifikazioa eskainiko dira. Ikastaro honetan 16 profesionalek parte hartu dute. Interpret Europe erakundeak aitortutako ikastaro ofiziala da eta HAZI Fundazioak babestutako ekimena izango da.
“Komunikazioa ingurune naturaletan” ikastaroa
Otsailak 14an, aldiz, Europarc-España eta Fernando González Bernáldez Fundazioak garatutako ikastaroa eskainiko da egun osoan zehar. Espazio naturalen testuinguruan ematen diren komunikazio eta dibulgazio ekintza eta ekimenak modu eraginkorrean bideratzeko erremintak luzatzea izango da formakuntza saio teoriko-praktiko honen helburu nagusia eta natur inguruneen esparruan lan egiten duten hezkuntza, turismoa nahiz tokiko garapenean sektoreko profesionalei zuzenduta dago.
AKTIBATU 2019 jardunaldian zein bestelako formakuntzetan eta proiektuak aurkezteko deialdian izena emateko epea abenduaren 3an zabalduko da, www.aktibatu.com webgunean bitartez informazio guztia eskuragarri izango da.
