Arkeometriarekin hasi eta Espainiako trantsizioan amaitu genuen
Urtero bezala Oiasso museotik erromatarren mundura hurbilduko gara. Hurbilketa hori, aurten, eraikin, espazio publiko eta luxuzko objektuetako harri apaingarrien bidez egingo da, inperio baten garai loriatsuaren erakusle.
Elkanok bizi izan zuen Euskal Herrian barrena egingo dugu bidaia. Ingurunea ikertu, ezagutu eta horri buruz sakondu nahi dugu, jende arruntarengan arreta jarriz. Eta ezagutza horrek nabigatzaile horiek hobeto ulertzeko aukera emango digu: zergatik ontziratu ziren eta zeintzuk ziren haien azken motibazioak.
Gasteizen eta Donostian Burgosko Prozesuaren 50 urteen errepasoa egingo dute, Euskadiren historia aldatu zuen epaiketa alegia. Prozesu horrek erregimen frankistarentzat eta oposizioarentzat izan zuen eraginaz eztabaidatu nahi dute, baita Euskadin izan zuen eraginaz ere. Teo Uriarte edo Xabier Izko de la Iglesia bezalako epaitutako batzuek eta Ramon Jauregi bezalako euskal politikako pertsona garrantzitsuek parte hartuko dute, nahiz eta ikuspegi orokorra izateko egokiena Juan Pablo Fusi historialaria izan.
Ignacio Zuloagak Euskal Herriko industriaren leherketa, sozialismoaren agerpena, la bohemeren Paris hiria, 98ko hondamendiaren Espainia, Lehen Mundu Gerra, Espainiako Bigarren Errepublika eta Gerra Zibila ezagutu zituen. Bere obran eragina izan zuten gorabehera guzti horiek Juan Pablo Fusi historialariak azalduko ditu, Zuloagaren lanaren elementu nagusi batzuk (hala nola herri-kulturaren berrikuspena) aztertuko dituen Uda Ikastaroaren zuzendarikideak. Bere pinturaren inguruan azken urteetan sortu diren berrikuntzetako batzuk erakutsiko dira. Hori guztia «Zuloaga auzia» delakoa alde batera utzi gabe: polemika amaigabea. Ignacio Suárez Zuloagak egingo du, margolariaren senide eta Zuloaga Fundazioko lehendakariak.
UPV/EHUko Uda Ikastaroek Espainiako feminismoaren historia idatzi zuten emakumeak izan dituzte gogoan edizio honetan. «Mujeres, violencia y transición» Ikastaroak Victoria Camps, Amelia Valcárcel eta Celia Amorósen zeregina gogoraraziko digu. Feminismoaren ekintzaile eta teoriko izan ziren garai zail batean, horietako bigarrenak dioenez, feminismoaren tradizioa Espainiako kulturatik baztertua izan baitzen. Feminismoaren historian eta emakumeak Espainiako historian izan duen eginkizunean espezializatutako unibertsitate desberdinetako 3 irakaslek parte hartuko dute.
