Ikastea norberak garatzen duen ekintza da. Inork ez gaitu ordezkatuko zeregin honetan. Hala ere, horrek ez du esan nahi ikasteko modurik onena era indibidualean egitea denik, ezta era konpetitiboan egitea denik ere. Aitzitik, era kooperatiboan gehiago eta gusturago ikasten dugu, urrutiago iristen gara eta zehar konpetentziak garatzen ditugu: elkarrekin bizitzen ikasi, norbera izaten ikasi, komunikatzen ikasi, ekimena izaten ikasi eta ikasten ikasi.

PCC2019 tailerrak hainbat gai interesgarri jorratuko ditu; esaterako, material zementotsuenak bezalako material konplexuen sistemen funtsezko propietateak zehazteko diziplina arteko ikerketaren eta proben azken emaitzak. Leitmotiva materialen zientziaren ikuspegi bat da non egituraren eta azpiko prozesuen ezagutza sakon batek hainbat baldintza fisiko eta kimikoren pean duten portaera ulertzen laguntzen duen.

Konferentzia hainbat xede eta plataformatarako materialen diseinuarekin loturiko diziplina anitzeko ikuspegiei buruz eztabaidatu nahi duten graduondoko ikasleei, doktorego ondokoei eta maila handiko zientzialariei dago zuzenduta. Hizlari nagusiez gain, parte hartzaileek ekarpen handia egingo dutela aurreikusi da.

Batzorde antolatzailea:

Ikastaro honetan, Europako Parlamentuaren VIII. Legealdian (2014-2019) izan diren eraldaketa positiboak aztertu nahi dira. Horretarako, aintzat hartuko dira Europako legitimitatean emandako aurrerapenak; izan ere, Batzordearen presidentea lehenengoz izan da hautatua hauteskunde emaitza batzuen ondorioz eta, beraz, Legealdi honetan, Europar Batasuna parlamentarizatu eta demokratizatu egin da.

Arreta da norberaren ikaskuntzarako lehengo leihoa, eta gure bizitzan zehar barneratu dezakegun informazioa baldintzatu egiten duen gaitasuna da. Hori dela eta, arretaren garapena funtsezkoa da ikasteko eta, era berean, arreta ezak beste zailtasunen agerpena bultzatu dezake. Izan ere, ikasgeletan arreta, hizkuntza eta irakurketarako nahasteak intzidentzia handia dute, eta haurraren garapen akademikoan eta autoestimuan eragin handia izan dezakete. Horregatik aldagai hauek interbentzioa eragiten duten hezkuntza-eragileen prebentzio-ikuspegia eskatzen dute.

Atxikimenduz elkar-loturik izaten gara maite ditugun pertsonekin eta horrek mesede baino ez digu egiten bizi ahal izateko. Horregatik, maite dugun pertsona galtzean edo berarengandik urruntzean, dolua bizi izaten dugu. Orduan, galera horretan, prozesu egokitzaile bat bizi behar izaten dugu. Aipatu prozesua ez da gaixotasuna,  nahiz eta batzuetan egoera horretara irits daitekeen. Pertsona guztiek ez dute era berean bizitzen eta adierazten, bakoitzak bere erara bizi izaten du. Mingarria da eta gure mendebaldeko gizartean, sarri, ez du lekurik.

Adimen eta garapen desgaitasuna duten pertsonek laguntzak eta plan pertsonalak behar dituzte, kalitatezko bizi proiektuak aurrera eramateko. Laguntza horiek zentro espezializatuetan ematen dira askotan, eta batzuetan, testuinguru naturaletan; hots, pertsonek bizi, jolasten, ikasten edo lan egiten duten lekuetan. Ikastaro honek testuinguru naturaletan emandako laguntza aukeretako bat eman nahi du ezagutzera.