Perfilación Criminal. Asesinos seriales

16.Mar - 15.Mai

Kod. @23-20

Erabilgarritasuna kalkulatzen...

Bi aukera hauek dituzu matrikula egiteko:

Online matrikula

Inprimakia deskargatu eta bidali

Itxarote zerrenda
Data gaindituta

60 ordu akademiko

- Prezioa: 120€

- Hizkuntza ofiziala: gaztelania

- Irakats metodologia: guztiz on-line.

- Ebaluazioa: bi motatakoa izango da:

  • Etengabeko ebaluazioa: aukera anitz dituen autoebaluazio proba gai bakoitzeko; aztertutako gaiari buruzko 30 galdera.
  • Amaierako ebaluazioa: ikasleak kasu forentse bat ebaztea ikastaroan ikasitako kontzeptuak erabilita.

Irakasleak ikastarorako bereziki landutako dokumentazioa banatuko du. Ikasketa teoriko-praktikoan erabilitako iturri guztiak irakaslearen jabetzakoak dira.

Ikasleek zalantza guztiak argitu ahal izango dituzte tutoretza birtualen bidez, harremanetan jarriz zuzenean irakaslearekin.

Autoebaluazioa oinarrituko da aukera anitzeko probetan.

Amaierako ebaluazioan, txosten bat egin beharko da irakasleak emandako profilaketari buruz, Zientzia Forentseen eta Segurtasunaren Europako Institutuak garatutako kasu erreal batean oinarritua.

Profilaketa Kriminala izeneko teknika kriminologikoak oihartzun zabala izan du azken urteetan herritarren artean “ikerketako” telesail eta filmei esker, eta interes berezia piztu du ere Kriminologiaren diziplinarteko zientzietako ikasleen artean. Dena dela, egia da halaber, interes horrekin batera, erritmo berean hazi direla ere haren inguruko mitoak eta aplikazioaren zorroztasun akademiko eskasa. Hori dela eta, on-line ikastaro honen helburua da ikasleak trebatzea profilaketa teknikaren kasuistikan, teknika horrek serieko ekintzetan duen aplikazio praktikoan, ikas dezaten zer metodologia erabili behar den teknika honen benetako aplikazio prozesuan, edo, beste modu batean esanda, emaitzak akats metodologikorik gabe lor ditzaten, serieko hiltzaileen profilaketa azpimarratuz.

Teknikoki, ikastaroak atal teoriko bat izango du, irakasleak prestatutako argitalpenetan eta materialean oinarritua, ikasleek ikasi beharko dutena serieko hiltzaileei aplikatutako Profilaketa Kriminalari buruzko analisi sistematika erreala ulertu eta ezagutzeko, ikuspuntu kriminologiko batetik. Bestetik, ezagutza horiek guztiak aplikatuko dituzte amaierako ebaluazio gisa egingo den kasu praktiko baten ebazpenean.

Helburuak

HELBURU OROKORRA

1.- Ikasleak gai izatea Profilaketa Kriminalaren teknikaren analisi sistematika menderatzeko eta ikuspegi kriminologikotik aplikatzeko.

HELBURU ESPEZIFIKOAK

1.- Profilaketa Kriminala teknika gisa nondik datorren jakitea

2. - Analisirako sistematika ikastea.

3.- Ikerketa forentse batean erabiltzen diren kontzeptuen (modus operandi, sinadura, krimenaren gertalekua…) behaketan oinarritutako Profilaketa Kriminologiko bat egiten jakitea.

4.- Serieko hiltzaileen tipologia bereiztea haien portaeran oinarrituta.

HELBURU ESPEZIFIKOAK

1.- Ikasleen % 100 gai izatea ikerketa prozesu bat burutzeko Profilaketa Kriminala aplikatuta.

2.- Ikasleen % 100 gai izatea txosten profesional bat egiteko beren ikerketa kriminologikoari buruz.

3.- Ikasleen % 100 gai izatea objektiboki interpretatzeko kasu erreal batean ikasitako kontzeptuak.

Jarduera nori zuzenduta

  • Unibertsitateko ikaslea
  • Unibertsitarioak ez diren ikasleak
  • Irakasleak
  • Profesionalak
  • Publiko orokorra
  • Online ikastaroa
    • Kriminologia
    • Psikologia
  • 16.Mar - 15.Mai
  • Gaztelera
  • Balio akademikoa: 60 ordu

Interesgarria izan daiteke zuretzat ...