30.Eka.2020

Buruari bueltak emateko hainbeste denbora izan ondoren

Aurtengo edizioan, besteak beste, saskibaloian esku hartzen duten eragileen (entrenatzaileak, jokalariak, irakasleak edo familia) arteko eztabaida- eta hausnarketa-jardunaldi bat proposatzen dugu jokalarien prestakuntza mentala zaintzeko. Bereziki, «bullying» eta «mobbing» fenomenoak landuko dira. UPV/EHUko Uda Ikastaroetan Iñaki Zubizarreta jokalariaren ekarpen baliotsua izango dugu, eta bere esperientzia pertsonala kontatuko digu.

Bikotearen kontzeptua begirada kritiko batetik aztertu behar da, konstrukzio sozial hori krisian dagoelako. Aldaketa sozialek, sistema sozialaren eraldaketak eta teknologiaren erabilerak gure arteko loturak aldatu dituzte. Aldaketa horiek bikoteen arteko loturei eragiten diete. Gaur egun, egitura hauskor gisa aurkezten da, eta beste garai batzuetan baino gehiagotan lehertzeko joera du.

Azken hilabeteetan, nahi gabeko banantze baten eta heriotzaren beldurrak, eta baita maite ditugun pertsonak galtzeak edo langabeziak ere inoiz baino gehiago nabaritu ahal izan ditugu. Baita pentsatzen dugun guztia esateko beldurra ere, edo minari eta sufrimenduari. Gizakiak bizi dituen eta, batzuetan, baliogabetzen duten beldurrak. Francisco Javier Urrak, aurten, UPV/EHUko Uda Ikastaroetan elkarrekin arrazionalizatzeko proposamena egiten digu.

Hutsune existentzialak edo gure ustez onartezinak diren arazoak? Suizidioaren prebentziorako estrategiaren ezarpenaren lehen urtea da, eta erlijioaren eta suizidioaren arteko harremana, edo heriotza duina eta suizidioa dira mahai gainean jarriko diren gaiak. 2017. urtean 3.680 biktima zuzen izan zituen osasun-arazo horrek; suizidioaren ondorioz bizirik ateratzen diren kopurua, berriz, 22.000 pertsonatan handitzen da urtero.

Begoña Ibarrolak barne bidaia bat proposatzen digu, gure ongizate pertsonalaren bilaketan ditugun indargune pertsonalak aurkitzeko. Pandemia garaian primeran datorkigun zeregina da hori. Gure jakinduria eta ezagutzarako gaitasuna deskubritzea; baita gure adorea edo gizatasun eta justizia zentzua ere.

Hitzik gabeko komunikazioa jada diziplina bat da psikologian edo soziologian, eta bere aplikazio kriminologikoak ere baditu. Uda Ikastaroek aurten komunikazio mota hori aztertzeko sistematika ezagutzea eta keinu bidezko funtzionamendua, proxemikoa, ulertzea proposatzen dute. Hau da, pertsonen eta objektuen arteko hurbiltasuneko edo urrutiko harremanak, hartutako jarrerak eta kontaktu fisikorik dagoen edo ez. Era berean, Auzitegi-Zientzien eta Segurtasunaren Europako Institututik gezurraren mekanismoa ikasteko aukera eskaintzen digute hitzik gabeko komunikazio mota horietan.