Nazioarteko kongresua Gernika(k) / Guernica(s): Trauma historikoaren birsemantizazioak

(Sunbilla, 1986) Euskal Filologian Lizentziatua eta Literatura Konparatua eta Literatura Ikasketetan doktorea (EHU, 2015). Irakasle Atxikia da EHUko Hezkuntza, Filosofia eta Antropologia Fakultatean. Elkarlanean aritu da Deustuko Unibertsitatearekin eta baita Mondragon Unibertsitatearekin ere. Materiarik gabeko ondare kulturalari eta baliabide sinbolikoei buruz aritu da ikertzen. Bertzeak bertze, Mikel Laboa Katedrarekin aritu da, Mikel Laboari buruzko bibliografia nagusia bildu, bere aritua gune duen monografia gauzatu eta, 2014an, doktorego aurreko beka jaso zuen. 1960-1990 bitarteko euskal kulturaren birmoldatzeari buruzko tesia defendatu zuen, 2015ean (“Euskal ondare kulturalaren moldatzea (1960-1990) egungo Euskal Kultur Sistemaren oinarri. Baliabide eta forma sinbolikoak”). Espresuki ardaztua da literaturan eta komunitateen ondare kultural metatuaren azterketan. Memoria Historikoa Literatra Iberiarretan (IT 1046-16) ikertalde kontsolidatuko partaidea da.

Mari Jose Olaziregi Alustiza (Donostia, 1963) Euskal Filologian doktore eta literatura irakasle katedraduna UPV/EHUn. Atzerriko hainbat unibertsitatetan irakatsi du, hala nola, Center for Basque Studies-en (2007-9) (University of Nevada, Reno, AEB), Universität Konstanz (2009-10) (Alemania), University of Chicago (2015-6) eta CUNYren Graduate Centerren (2014-15; 2016-17; 2020-2021). Studies in Fiction Masterra burutu zuen Erresuma Batuko University of East Anglian. 2004tik Center for Basque Studies-eko Basque Literature Series sailaren zuzendaria da eta 2003tik Euskaltzain Urgazle. 2010etik 2016ra Etxepare Euskal Institutuko Euskara Sustatu eta Hedatzeko Zuzendaria izan zen. Lantzen dituen arloen artean, Euskal eta Iberiar Literaturaren Historia eta Kritika, Literatura Konparatua, Genero Ikasketak eta Ikasketa Kulturalak aipa genitzake. 11 liburu, editatutako beste 18, liburuetako 92 atal baino gehiago edo 81 artikulu aldizkari zientifikoetan ditu argitaratuak. Hainbat Unibertsitateko ikertaldetako kide da (“Celt”, “Liter21” eta “Lijmi” (Universidad de Santiago de Compostela), edo Red de Investigadores Memory and Narration (U. Aarhus). 2012tik MHLI Ikertalde Kontsolidatua zuzentzen du.

Estibalitz Ezkerra Vegas ACLS Emerging Voices doktoretza ondoko ikertzailea da Arizona State University-ko Historia, Filosofia eta Erlijio Ikasketen Sailean. Literatura konparatuan doktoretza ikasketak burutu zituen Illinoisko Unibertsitatean, Urbana-Champaignen. Bere lanak memoria politikak gatazka (osteko) guneetako kultur-ekoizpenean aztertzen ditu globalizazioaren testuinguruan. Bere lanaren zati bat Review of Irish Studies in Europe (RISE), Revista Internacional de Estudios Vascos (RIEV), eta Interventions: The Internacional Journal of Postcolonial Studies aldizkari akademikoetan agertu da edo argitaratzekoa da. Gaur egun, bi monografiko lantzen dabil; batak memoria eta gatazka euskal eta irlandar literatura garaikidean ditu aztergai eta besteak Guernica-ren bizitza-osteak.

Iker González-Allende irakasle katedraduna da, bai Hizkuntza eta Literatura Modernoetan (Leland J. eta Dorothy H. Olson), bai Hispaniar Ikasketetan, Estatu Batuetako Nebraska-Lincoln Unibertsitatean. Espainiako Gerra Zibilaz gain, erbestea, migrazioak, euskal kultura, genero ikasketak eta sexualitatea nahiz idazketa autobiografikoa ditu ikergai nagusitzat. Zazpi liburu argitaratu ditu: Hombres en movimiento: Masculinidades españolas en los exilios y emigraciones, 1939-1999 (Purdue University Press, 2018) eta Líneas de fuego: Género y nación en la narrativa española durante la Guerra Civil (1936-1939) (Biblioteca Nueva, 2011) monografikoak; Ramon Belaustegigoitiaren Euzkadi en Llamas eleberriaren edizio kritikoa (Txalaparta, 2020); El mundo está en todas partes: La creación literaria de Bernardo Atxaga liburukiak (Anthropos, 2018, José Ángel Ascunce Arrietarekin elkarlanean); El exilio vasco (Universidad de Deusto, 2016); eta Pilar Zubiaurreren obraren edizio landu edo berrargitalpenak: Evocaciones: Artículos y diario (1909-1958) (Saturrarán, 2009), Epistolario de Pilar de Zubiaurre (1906-1970) (Tamesis, 2014).

Xabier Irujo (Caracas, 1967) Nevadako Unibertsitateko Center for Basque Studies-eko zuzendaria eta Genozidio Ikerketetako katedraduna da. Liverpooleko Unibertsitateko Manuel Irujo katedrako lehen ikertzaile gonbidatua, irakasle bisitari ibili da Massachusetts Amherst Unibertsitateko W. Douglass zein Boiseko Estatu Unibertsitateko E. Garmendia katedretan. Filologian, historian eta filosofian lizentziatua, doktorea da bai historian, bai filosofian. Hizlari aritutakoa da ia ehun unibertsitate, instituzio nahiz zentro kulturaletan noiz Ameriketan, noiz Europa mailan. Sei argitaletxe akademiko amerikar zein europarren batzorde zientifikoko kide da. Hogei liburutik gora eta artikulu ugari argitaratu ditu. Nazioarteko sari eta aitortzak jaso ditu. Euskal Herriko historia eta politika ditu azterkizun nagusi, beti ere, Genozidio Ikasketen argitan, sarraski fisiko eta kulturaletan sakonduz. Hamabost urte daramatza Gernikako bonbardaketa ikertzen, dokumentazio historikoa bilduz, tartean, Gernikako Dokumentazio Zentroarekin elkarlanean. Aipatzekoak dira Gernika: Genealogy of a Lie (Sussex, 2019); The Bombing of Gernika (Center for BS Press, 2018); Gernika. 26 de abril de 1937 (Crítica, 2017); Historia jurídica de la lengua vasca (HAEE, 2015).

Jorge Luis Marzo (Bartzelona, 1964) artearen historiagilea, Ikasketa Kulturaletan doktorea, arte komisarioa, ikus-entzunezko errealizadorea, Bartzelonako BAU-ko (Centre Universitari de Disseny) irakasle titularra eta GREDITS (Artea, Diseinua eta Eraldaketa Soziala jorratzen dituen) ikertaldeko kidea da. Espainia mailan ez ezik, Mexikon, Estatu Batuetan, Kanadan, Kolonbian, Ekuadorren, Italian eta Txilen ere jardun du lanean. Ikerketa proiektu ugaritan parte hartu du, dela erakusketa, dela ikus-entzunezko, dela argitalpen mailan; sarri askotan, irudien politikez hausnartuz. Marzoren argitalpenen artean aipatzekoak dira: La curva. Patologías prácticas (ICUB, Cátedra 2021-2024); Biennal 2064 (Bòlit, Virreina, CCCC, 2022-2023); Actuar en la emergència (RAER, 2021-2024); Las videntes. Imágenes en la era de la predicción (Arcàdia, 2021); Fantasma’77. Iconoclastia española (Tecla Sala, CCCC, RU, Solleric, 2020-2021); Iconografía post-millennial (Morsa, 2019); After Post-Truth (Artnodes, 2019); La competencia de lo falso. Una historia del fake (Cátedra, 2018); Espectros (Virreina, 2017); Fake. No es verdad, no es mentira (IVAM, 2016); Interface Politics (BAU, 2016, 2018); Arte en España (1939-2015). Ideas, prácticas, políticas.

Maitane Ostolaza Esnal Espainiako Historia eta Zibilizazio Garaikideko irakaslea da Perpinyako Unibertsitatean. Historian doktorea, Florentziako (Italia) Europako Unibertsitate Institutuan defendatu zuen bere doktoradutza tesia 1999ean. 17 urtez Paris-Sorbona Unibertsitatean ihardun du lanean. Bertan, 2015ean, Euskal Ikasketen Programa jarri zuen martxan, Etxepare Institutuarekin lankidetzan. Bere ikerketak erlijioaren, hezkuntzaren eta modernizazioaren arteko harremanei buruzkoak dira, herri kultura XIX. mendean, Europako nazionalizazio prozesuak eta, azken aldian, ondare eta paisaiari buruzkoak, historia kulturalaren ikuspegitik landuak. Hainbat artikulu eta liburu argitaratu ditu, bai Frantzian, bai Espainian, besteak beste, paisaia eta ondarearen gaiarekin loturikoak. Azken argitalpena: Landscape and Identity in the Modern Basque Country, 1800 to 1936, London, Routledge, 2023.

Artearen Historiako irakaslea Madrilgo Complutense Unibertsitatean. Castilla La Manchako Unibertsitatean ere eman izan ditu eskolak; 2017tik Artearen Historia garaikidea eta kultura bisuala (UAM-UCM-MNCARS) masterreko koordinatzaile akademikoa da. Un sitio para pensar. Escuelas y prácticas educativas experimentales de arte en el País Vasco, 1957-1979 (Artium Museoa eta Jorge Oteiza Fundazio Museoa, 2022) eta Encuentros con los años 30 (Museo Reina Sofía, 2012) erakusketak kokomisariatu ditu. Reina Sofía Museoaren Repensar Guernica proiektu digitalaren ikertaldeko kidea izan da hasieratik bertatik (2017). Liburu eta artikulu ugariren egile, Informe Guernica. Sobre el lienzo de Picasso y su imagen (Ediciones Asimétricas, 2019), Guernica erakusketaren (Musée national Picasso-Paris, 2018) katalogorako ekarpenak, Picasso y sus críticos I. Recepción del Guernica, 1937-1947 eta Picasso y sus críticos II. Los años comunistas (Ediciones La Central, 2012) antologiak edota Pintura de humo (Siruela, 2008) nabarmendu litezke, besteak beste. Reina Sofía Museoko Erakusketen Sailean jardun zuen beka-kontratu bati esker (2012-2014) eta Almine eta Bernard Ruiz-Picasso Fundazioaren ikerketa proiektuko kide da, 2021-2024.

Dolores Vilavedra (Vigo, 1963) literatura galegoko katedraduna da Santiago de Compostelako Unibertsitatean. 2019tik USC-eko EDIUS-eko Arte eta Humanitateen saila zuzentzen du. Instituto da Lingua Galegako FILGA ikertaldeko kide, “Cultura impresa en lingua galega” ikerketa proiektuan dihardu. Narratiba galego garaikidean espezialista, literatur kritikan eta itzulpengintzan ere aritzen da. Hainbat urtez zuzendu du Literatur Ikasketa Galegoen urtekaria (2002-2017) eta Diccionario da literatura galega (1999) koordinatu zuen. Nabarmentzekoak dira, halaber, Historia da literatura galega (1999), Sobre narrativa galega contemporánea (2000), A narrativa galega na fin de século. Unha ollada crítica (2010), edo gerraosteko idazleen gutunen zein literatura galegoko obra klasikoen edizioak. 36ko gerrari buruzko argitalpen ugari ditu. Histagra ikertaldearekin elkarlanean 1936 ¿Un novo relato? 80 anos entre historia e memoria Nazioarteko Kongresua antolatu ondotik, 1936. Un nuevo relato argitalpena koeditatu zuen. Consello da Cultura Galegako Hizkuntza eta Literatura saileko koordinatzaile ohia, 2015tik Osoko Bilkurako kide da; Batzorde Exekutiboko idazkaria ere izan da (2019-2022). Gainera, RED-EDIT-eko argitalpen galegoen arduraduna da.

Stefanie Schüler-Springorum, historialaria, 2001-2011 bitartean Hanburgoko Historia judutar-alemaniarraren Institutuko Zuzendaria; 2011tik Berlingo Antisemitismoaren Ikerketa Zentroko Zuzendaria, 2012tik Berlingo Judutar Ikasketetako Selma-Stern Zentroko Kozuzendaria eta 2020tik Gizarte Kohesioari buruzko Ikerketa Zentroko adar berlindarraren Zuzendaria. Ikerketa arloak: Judu, alemaniar eta espainiar Historia, generoaren Historia, Historia militarra eta biolentziaren Historia. Azken argitalpenak: German Jewish Gender History (Berghahnen argitaratzear 2024an, 2014ko alemanierazko liburuaren itzulpena); Football and Discrimination. Antisemitism and beyond, Londres 2021 (ed. P. Brunssenekin); Four Years After: Antisemitism and Racism in Trump's America (ed. N. eta M. Zadoff, H. Paulekin batera), Múnich 2020; Gender and the Politics of Anti-Semitism, in: American Historical Review 123 (2018), 1210-1222 orr., La Guerra como Aventura. La Legión Cóndor en la Guerra Civil Española 1936 - 1939, Madrid (Alianza) 2014.