Europa, eraldatzen ari den mundu baten aurrean: demokrazia, erakundeak eta herritarrak

Nazioarteko sistema eraldaketa sakoneko aro batean dago eta lehia geopolitiko handiagoa, aliantza estrategikoen birkonfigurazioa eta arrisku global berrien agerpena dira, besteak beste, eraldaketa horren ezaugarriak. Nazioarteko ordenaren oreka aldatzen ari da, Europako eta munduko gatazka belikoen, potentzia handien arteko lehiaren, trantsizio teknologiko eta energetikoaren eta klima-aldaketak eragindako erronken ondorioz.

Testuinguru honetan, Europar Batasunak bi erronka ditu aurrean; batetik, ekiteko gaitasuna eta autonomia estrategikoa indartu behar ditu, gero eta konplexuagoa eta zalantzagarriagoa den ingurune geopolitikoari erantzuteko, eta, bestetik, bere proiektu politikoaren muina eta funtsa osatzen duten balio demokratikoak babestu eta indartu behar ditu.

Aldaketa globalek erantzun bat eskatzen diote Europako gobernantzaren etorkizunari: norabide estrategiko berria hartu, herritarren kultura politiko demokratikoa indartu, eta datozen urteei begira erakundeak sendotu behar ditu.

Uda Ikastaro honen proposamena da diziplina anitzeko ikuspegi batetik aztertzea erronka horiek, eta nazioarteko testuinguruan gertatzen ari diren eraldaketei nahiz Europan artikulatzen ari diren erantzun instituzional eta sozialei heltzea; Europako testuinguruaren ildotik, Gipuzkoako lurraldearen ikuspegitik gobernantza demokratikoaren erronkari nola heltzea aztertuko da.