Abuztua 2019
Helburu nagusia gogamenak argitzea da, bakoitzak ezagut dezan zein den norbere era ikasketa eta irakaskuntza gozamenez hartzeko, hori baita, azken finean, edukiak hobekien barneratzeko era.
Osasunaren Mundu Erakundeak (OME) gomendatzen du herrialdeen osasun arretako ereduak berrikustea, egungo beharretara egokitzeko, gure gizartean aldaketa soziodemografiko garrantzitsuak gertatzen ari direlako. Helburua da osasun arloko profesionalen jarduerak berrorientatzea, pertsonan oinarritutako prebentziorantz eta arretarantz. Pazientearen arretan eta medikamentuen arloan esku hartzen duten agenteek, osasun sistemako parte gisa, garai berrietara egokitu behar dute.
Bertsolaritza artikulazio berriek bizi dute. Hain segur, hori ere bada azkar egotearen arrazoietako bat. Ez da ordea lehen aldia; aurrez nozitu izan du artikulaziorik. Eta horri esker, besteak beste, egokituko zen bertsolaritza egungo gizartera. Biziberritu ala hil. Bertsolaritzak bizi dituen mudez eta dudez ariko gara ikastaroan, baina bizi izan dituenak gogoan, distantzia kronologikoak ematen duen argitasunaz.
Eskala Atomikoko Fotoelektrokatalisiko eskolaren (PECAS) helburua fisikako, materialen zientzietako, kimikako eta elektrokimikako zientzialarien eta ikasleen artean diziplina arteko eztabaida sustatzeko hainbat aukera sortzea da, baita material berrien propietate fotokimikoen eta elektrokimikoen arloko azken emaitzak, ideiak eta metodoak aurkeztea ere.
Gaiak:
Profesionalek beren lana kudeatzeko duten moduari buruz Espainian eginiko azterketen arabera, lan horren eraginkortasuna Europako edo Ipar Amerikako homologoenaren azpitik dago nabarmen. Ordu gehiago lan egiten bada ere, horrek ez dauka ordainik produktibitatean.
Programa honen bitartez mantentze lanetako eta mantentzea planifikatzeko estrategiak aurkeztu nahi dira, mantentze prediktiboko estrategia barne. Programak Condition Monitoringeko tekniken praktika ere bilduko du, bibrazioen analisia, igorpen akustikoen monitorizatzea, olio analisia eta aplikazio industrialak barne. Bertaratutako guztiei animatuko zaie Condition Monitoringeko Proiektuen Lehiaketan parte hartzera.
Funtsezkoaz hitz egitea. Dena dela, zer da funtsezkoa bizitzan?
Ikastaro honetan, hizlariek ez dute zuzendariaren jarraibiderik jasoko, eta parte hartzaileek ere azalduko dute zer den berentzat funtsezkoa.
Aurrez ezarritako premisarik ez duen ikastaroa; horren ordez, nork bere burua aberastera, gogoetara eta eztabaidara zabalik dagoen ikastaroa.
Gaia funtsezkoa da.
Gizaki orok bere burua eta ingurukoak ezagutzeko erronka du.
Introspekzio eta behaketatik egiten du hori. Baina, askotan, bere burua engainatzen du, besteek engainatzen dute edo engainatua da.
Iraila 2019
Gazte euskaldunek gaur egun dituzten praktika eleaniztunak landu nahi dira ikastaro honetan.
Gizakiari intrintsekoki dagokion zerbait badago, hori istorioak asmatzea da, fabulatzea, amestea, biziraupenetik eta errealitate enpirikotik harago doazen barne ate eta leiho batzuk irekitzea. Eta literaturak –narrazioak, zehazki– hor du abiapuntua, hor hasten da garatzen. Eta hor dautza ere haren justifikazioa, interesa eta erakarmena. Zalantzarik gabe, fikzioak, irudikatzen, entzuten edo irakurtzen ditugun istorio guztiek, zeregin garrantzitsua dute gure bizitzan.
Azken bi hamarraldietan, geldiezinak izan dira gizarte aldaketak maila guztietan, eta beste edozein etapa historikotan baino bizkorrago ari dira gertatzen. Aldaketa horiek islatzen dira XXI. mendeko herritar baten prestakuntza behar berriei erantzuteko aldatuz doazen irakaskuntza/ikaskuntza paradigmetan. Hezkuntza paradigma berri honen funtsezko osagai bat hauxe da: oinarrizko gaitasunak agertzea Europako hezkuntza sistemetan eta gaitasun horien garapena irakaskuntza/ikaskuntza prozesuetako helburu nagusi bihurtzea.
Advaîta Vedantaren pentsamendu sistemak sakon aztertu du Kontzientziaren eta Arretaren izaera mendeetan zehar.
Proposamen berri honek, zeharkako ardatz dituena Arreta Efizientea eta hezitzaileen nahiz hezigaien Trebetasunen garapena, Eredu Kognitibo ez-moral bat inplementatu nahi du Ikaskuntzaren funtsezko oinarri gisa.
Lurraldeen kudeaketan, egungo desafioetako bat da aztertzea zer gaitasun duten lurraldeek krisi baten ondorioei aurre egin eta denbora tarte labur batean lehengoratzeko. Lurraldeen erresilientzia gaitasuna esaten zaio horri.
Hainbat nazioarteko erakundek, hondamendi arriskuak kudeatzeko Nazio Batuen Bulegoak (UNISDR) besteak beste, hondamendi naturalen, giza jardueren edo teknologiaren eraginez lurraldeek jasan ditzaketen inpaktu larriez ohartarazi dituzte munduko herrialde guztiak.
Zura barne espazioetan funtzio ezberdinetarako erabiltzen dugu, eraikuntzatik hasita objektuetaraino. Ikastaro honen bidez diseinu joerak eta honen inguruko gai praktikoei buruz ekingo dugu, baldintza zailenetan eta eskaera tekniko gogorrenetan zuraren erabilera nolakoa izan behar duen argituz.
Uda Ikastaroan zurezko materialen ezaugarri eta diseinurako irizpideak ezagutaraziko dira, jasangarritasuna, akustika, suarekiko jarrera, estetika eta eraikuntza zuzenerako diseinua kontutan hartuz, bai proiektu fasean zein burutzeko momentuan.
Krisia hasi zenetik, pixkana-pixkana beherantz doa herritarrek erakundeengan eta alderdi politikoengan duten konfiantzaren indizea. Egungo sistema politikoak, dagoen-dagoenean, jada ez ditu herritarrak ilusionatzen. Jende askok sentitzen du erabaki politikoetatik kanpo edo oso urrun dagoela. Jada ez da nahikoa herritarrek lau urtean behin botoa emanez politikan parte hartzea.
