Adinberri: Berrikuntzarako Agenda Estrategiko Berria (BAE): Bizitza-luzeraren paradigma berria berritzen

Adinberri SIA udako ikastaroaren lehen edizioa da, EHUko Uda Ikastaroen esparruan. Adinberri-SIA tresnak, Adinberri Fundazioaren Behatokia eta Adimen Aurreratuko Sistemak, zahartzeari eta bizitza-luzerari buruz duen ezagutza eskura jartzea du helburu orokorra, zahartzearen inguruan eragileen ekosistemaren (tokiko, eskualdeko eta nazioarteko mailan) eta, oro har, herritarren artean.

Pertsona guztientzat irekia dagoen tresna hau, Fundazioaren Berrikuntzarako Agenda Estrategikoaren parte da -duela gutxi berrikusita eta elkar eraikita Adinberri ekosistemarekin batera- 2024-2027 aldirako. Gainera, beste tresna batzuekin batera, Berrikuntzako Agenda Estrategiko berri honek, berrikuntzatik erantzun nahi dituen erronka handiak gauzatzeko ibilgailua da. Lehenengo erronka desgaitasunik gabeko bizi-itxaropena handitzea da, erabateko ongizatea ahalbidetzeko eta zentzuzko bizi-proiektu oso bat garatzeko, prebentzioaren eta bizi-ohitura osasungarrien sustapenaren bidez. Erronka helburu hauetan zehazten da:

• Osasun integrala prebenitzea eta sustatzea. Ongizate integrala eta bizitza proiektu osoa eta zentzuduna garatzea ahalbidetuko duten ohitura eta bizimodu osasungarriak sentsibilizatzea eta bultzatzea.
• Adinekoen gaitasun funtzionala mantentzea eta sustatzea.
• Nahi ez diren bakardadeak prebenitzea eta aurre egitea.

Ikastaroaren lehen edizio honetan, Adinberriko BAEren 3 helburu hauei helduko diegu, ikuspegi akademiko, dibulgatzaile, esperimental, berritzaile eta parte-hartzailetik eta Gipuzkoako zahartzearen ekosistemaren erreferentziazko 4 eragilerekin lankidetzan:

Biogipuzkoa, Cita-Alzheimer, Aubixa Fundazioa eta Agijupens.