Arquitectura y Diseño Interior Sostenible: Aplicaciones prácticas de los ODS

Uda Ikastaro hau arkitektoek, diseinatzaileek, ikasleek eta sektoreko profesionalek beren proiektu arkitektonikoetan Garapen Jasangarrirako Helburuak (GJH) txerta ditzaten trebatzeko diseinatuta dago, teoria, tresna digitalak eta lankidetza tailerrak uztartuz.

Ikastaroaren bi egunetan, GJHak eta haien garrantzia testuinguruan jartzen dituzten saio teorikoak eta tailer praktiko eta lankidetzakoak uztartuko dira; lansaio horietan, parte-hartzaileek tresna digitalak eta metodologia berritzaileak aplikatu ahal izango dituzte. Realak Zubietan dituen kirol instalazioak ere bisitatuko dira, erakunde hau bere instalazio berrietan GJHak nola aplikatzen ari den ezagutzeko.

Ikastaro honen azken helburua parte-hartzaileei GJHak arkitektura- eta diseinu-proiektuetan txertatzeko tresna praktikoak eta ezagutza aplikagarriak ematea da, enpresa kudeaketaren eta produktuaren garapenaren eremuan, gizartean eta ingurumenean inpaktu positiboa sustatuz. Gainera, profesionalen eta parte-hartzaileen artean ideiak eta esperientziak trukatzeko gunea sortu nahi da, berrikuntza eta jasangarritasuna diseinu arkitektonikoaren funtsezko zutabe gisa sustatuz.