KulturGest Bilbao Kongresua: ARTEA, KULTURA ETA ONDAREA: kudeaketa eta jasangarritasunerako praktika egokiak

Azken urteotan, gizarte eta giza zientzietan, asko eztabaidatzen ari da arteak eta kulturak Garapen Iraunkorreko Helburuei (GIH) egin ahal dizkieten ekarpenei buruz. Hain zuen ere, ikusi dena zera da: kulturaren eta ondarearen alorra ezin dela errealitate horretatik kanpo gelditu eta, egiatan, garapen inklusibo eta iraunkorra bultzatzeko paper garrantzitsua joka dezaketela.

Giza garapenaren eta planeta babestearen artean oreka bilatu nahi duen mundu honetan, artearen, kulturaren, ondarearen eta jasangarritasunaren arteko harremanen gaiak gero eta garrantzi gehiago hartzen ari da. Testuinguru horretan, Nazio Batuen Erakundeak zehaztutako GIH delakoek jasangarritasuna, bere forma guztietan, bultzatu dezakeen marko orokorra eskaini dezakete, eta artea, kultura eta ondarea oinarrizko osagaiak dira helburu horiek lortzeko.

Kulturaren eta garapen jasangarriaren arteko harremana uka ezina da. Kulturak modu aktiboan parte hartzen du elkarrizketa sozialean, eta, era berean, paper garrantzitsua jokatzen du aldaketa sozialean. Kultura komunitatea kohesionatzea duen ezinbesteko elementua da, inklusioa eta berdintasuna bultzatzen dituelako eta hiri eta ingurune urbano berdinzaleagoak eta jasangarriagoak sortzea ahalbidetzen duelako.

Sormen eta prozesu artistikoak, euren forma desberdinetan, jasangarritasunaren aldeko kontzientzia sortzeko bitarteko indartsuak izan daitezke. Sormen artistikoek pertsonak kontsumo arduratsua egitera, klima aldaketaren aurka borrokatzera eta ondareari loturiko ekosistema zein ekosistema naturalak babestearen aldeko neurriak hartzera bultzatzen dituzte. Gainera, adierazpen artistikoak gogoeta eta ekintza bultzatzen duten mezuen igorle edo/eta hedatzaileak ere izan daitezke.

Kultura Ondareari dagokionez, jasangarritasuna da ondare kulturalari buruzko Ekintzarako Europako Markoaren bost zutabe garrantzitsuenetako bat. Ikuspuntu horren arabera, ondare kulturalak giza kapitala indartzeko, hazkunde ekonomikoa bultzatzeko eta ingurugiroaren jasangarritasuna ziurtatzeko gaitasuna dauka.

Ondare kultural eta naturalak zaintzea ezinbestekoa da planetaren iraunkortasunerako. Gainera, kulturari loturiko turismoa bultzatzeko eta herri eta auzoak garatzeko baliabide jasangarria da. Izan ere, toki kulturalek gure ingurunea zaintzeak eta historia babesteak duen garrantzia erakusten digute. Era berean, ondare kultural eta naturalak zaintzeak pertsonen bizitza aberasten du, aniztasuna balioan jarri eta tokian tokiko tradizioak errespetatzen dituelako.

Artea, kultura eta ondarea ez dira jasangarritasuna lortzeko bitarteko soilak, garapen jasangarria lortzeko ezinbesteko osagaiak baizik. Era horretako adierazpenek gure bizitza aberasten dute, ekintza positiboak ernamuintzen dituzte eta gure sustraiekin eta ingurunearekin konektatzen gaituzte. Artearen, kulturaren, ondarearen eta jasangarritasunaren arteko elkarrekintza bizi garen planetarekiko harremanean berdinzaleagoa eta armoniotsuagoa izango den etorkizun bat lortzeko bidea da.

Bi egun iraungo duen kongresuak, gai hauen inguruan egin diren ikerketa, egitasmo eta ikerketa lerroak erakutsi eta zabaldu nahi ditu. Alde batetik, gonbidatutako konferentziak izango dira, 2030 Agendak zehaztutako testuingurua eta kulturari eta ondareari loturiko sektoreak jasangarritasunaren inguruan sortu den paradigma berrian duen erantzukizuna ulertzen lagunduko dutenak; eta, bestetik, hiru gai hauen inguruan komunikazioak aurkeztuko dira:

• Kultura Ondarea eta jasangarritasuna
• Sormen prozesuak eta jasangarritasuna 
• Kudeaketa kulturala eta jasangarritasuna     

ANTOLAKUNTZA BATZORDEA

• Patxi Juaristi, UPV/EHU
• Alazne Porcel, UPV/EHU
• Enara Artetxe, UPV/EHU
• Arantxa Elizondo, UPV/EHU

BATZORDE ZIENTIFIKOA

• Alazne Porcel (Arte Ederren Fakultateko Irakaslea)
• Arantxa Elizondo (Gizarte eta Komunikazio Zientzien Fakultateko irakaslea)
• Enara Artetxe (Arte Ederren Fakultateko Irakaslea)
• Estibaliz Saez de Camara (EHU-ko Jasangarritasuneko zuzendaria)
• Miren Ibarluzea (EHU-ko Kulturaren arloko zuzendaria)
• Patxi Juaristi (Gizarte eta Komunikazio Zientzien Fakultateko irakaslea)

KOMUNIKAZIOAK AURKEZTEKO EPEA ZABALIK azaroaren 13tik 2024ko urtarrilaren 26ko arratsaldeko 16:00ak arte.

Komunikazioak aurkezteko, proposamenak bidaltzeko epea ireki da 2023ko azaroaren 13tik 2024ko urtarrilaren 26ra, 16:00ak baino lehen

Komunikazio proposamenek egitura hau izan beharko dute:

• Komunikazioaren izenburua.
• Autorearen edo autoreen izen eta abizenak.
• Lantokia (Unibertsitatea, fakultatea, saila, enpresa e.a.).
• Autore guztien posta elektronikoa eta telefonoa
• Hitz gakoak: 3-5 hitz
• Laburpena: sarrera, argudioak (helburuak, metodoa eta baliabideak) eta eztabaida (emaitzak, ondorioak...), argi utziaz zein den aurkezten den komunikazioaren eduki orokorra.

KOMUNIKAZIOAK AURKEZTEKO FORMULARIOA

DATA GARRANTZITSUAK

• Kongresua ospatzeko egunak: ekainak 20 eta 21
• 2023/11/13   Komunikazio proposamenak aurkezteko epearen irekiera
• 2024/01/26 Komunikazio proposamenak aurkezteko epearen bukaera
• 13/02/2024 Komunikazio proposamenaren onarpenaren/ukapenaren komunikazioa
• 13/09/2024 Komunikazioaren testu osoaren aurkezpena
• 2024ko abendua akten argitarapena

Metodologia

Bi egun iraungo duen kongresuak, gai hauen inguruan martxan dauden ikerketa, egitasmo eta ikerketa lerroak erakutsi eta zabaldu nahi ditu. Alde batetik, gonbidatutako konferentziak izango dira, 2030 Agendak zehaztutako testuingurua eta kulturari eta ondareari loturiko sektoreak jasangarritasunaren inguruan sortu den paradigma berrian duen erantzukizuna ulertzen lagunduko dutenak; eta, bestetik, komunikazioak aurkeztuko dira.

Kongresua presentziala izango da (BIZKAIA ARETOA, Bilbo) eta online ere jarraitu ahal izango da. Komunikazioak aurrez aurrekoak baino ez dira izango.

Kongresuan aurkeztutako komunikazioak kongresuaren aktetan argitaratuko dira