RICARDO ECHEPARE 2. KONFERENTZIA: Adimen Artifizial Orokorra: mito, helburu ala mehatxu?

Azken urteotan aurrerapen ikusgarriak izan dira adimen artifizialaren esparruan (AA). Xakeko munduko txapeldunak gainditzen dituzten sistemetatik hasi eta testua, irudiak edo kodea harrigarrizko erraztasunarekin sortzen dituzten laguntzaile birtualetaraino, AAk erakutsi du gai dela ataza espezifikoak gizakiak baino zehaztasun handiagoz burutzeko. Hala ere, lorpen horiek guztiak AA espezifikoaren eremukoak dira, domeinu mugatu batean arazo zehatzak konpontzeko diseinatua.

Aldi berean, aurrerapen espezializatu horien ildotik, hedabideek eta enpresek piztutako zalaparta mediatikoak eta ekonomikoak itxaropen ikaragarriak sortu dituzte AAren inguruan, bai bere ahalmen mugagabeen zein arrisku posibleei dagokionez. Baina, benetan ba al dakigu zer den AA? Ba al dago “adimen” hitzaren definizio argi eta adosturik? Eta are garrantzitsuagoa dena: zer ulertzen dugu gaur egun ezagutzen ditugun gaitasun espezifikoak gainditzen dituen Adimen Artifizial Orokorra (AAO) delako horrekin?

Hitzaldi honetan AA orokorraren kontzeptua ikuspegi kritiko batetik jorratuko dugu, definizio operatibo sinple batetik abiatuz —“gizakiaren antzeko adimen bat”—, eta hurbilketa teoriko desberdinak, erronka teknikoak eta ondorio filosofikoak aztertuz. Era berean, beharraz hausnartuko dugu: benetako aurrerapenak fikziozko narratibetatik bereiztearen beharraz, izan ere, askotan liluragarriak badira ere, egungo ezagutza eta aukera teknologikoen egoera desitxuratzen baitituzte.