Desafíos democráticos de la Inteligencia Artificial

Algoritmoek demokrazia garaikidean duten eginkizuna ulertzea: Ikastaroa algoritmoek prozesu politiko eta demokratikoetan eragiteko moduaren azterketa kritikoarekin hasiko da. Parte-hartzaileek aztertuko dute AAk nolako eragina duten erabakiak hartzean, diskurtso politikoan eta gardentasun politikoan. Opakutasun algoritmikoa, erabakien automatizazioaren kontzeptuak eta hauek herritarren eskubideetan dituzten eraginak ikusiko dira.

Teoria eta praktika ikuspuntu irisgarri eta partaidetzako baten bitartez lotzea, AAri eta demokraziari buruzko ezagutza askotariko ikasleriak eskuratzen duela ziurtatuz: Saio interaktiboen eta gaiaren inguruko ikerketen bitartez, AAk hainbat arlotan duen eragina ebaluatzeko tresna metodologikoak emango dira. Ikuspegi didaktiko bat hartuko da, parte-hartzaileek AAren oinarriak eta hark demokrazian duen eragina ulertu dezaten, aldez aurretik ezagutza teknikorik izan gabe.

AAk gobernantzan eta politika publikoen adierazpenean dituen inplikazio etiko-politikoak esploratzea: Ariketa praktiko eta interaktiboen bitartez, ikastaroan parte hartzen dutenek AAn oinarritzen diren erabakiek ekarritako dilema etiko eta politikoak biziko dituzte. AAk sortutako datu simulazio bat egingo da, eta haren bidez, kudeaketa publikoan eta gobernantza demokratikoan teknologia algoritmikoak erabiltzearen mugei eta aukerei buruzko gogoeta sustatuko da.

Egungo testuinguru geopolitikoan AAri buruz eztabaidatzea, hau eragile politiko eta etiko gisa hartuta: Adimen Artifiziala ez da soilik teknologia tresna gisa hartuko, baizik eta munduko gobernantzaren eta estatuen, enpresen eta herritaren arteko harremanetan ondorioak dituen eragile politiko gisa. Adituen mahai-inguru baten bitartez, AAk erregulazioan, geopolitikan eta etikan duen zeregina aztertuko da, mundu mailan dituen eraginen ikuspegi integrala sustatuz.

Balio demokratikoekin bat datorren AA edukitzeko oinarri demokratikoak diseinatzea: Parte-hartzaileek taldeka lan egingo dute ko-sorkuntza tailer batean, AA demokratiko bat irudikatzeko, haren diseinua eta erregulazioa gida dezaketen funtsezko printzipioak garatuz. Jarduera honek sormena eta pentsamendu estrategikoa sustatuko ditu, eta ikastaroan ikasitakoak proposamen zehatzetan aplikatzeko aukera emango du.