XXI. Mendeko Geopolitika: Subiranotasuna, Gatazkak eta Nazioarteko Dinamikak

Egun bizi dugun testuinguru arriskutsuan, geopolitikak eta nazioarteko gatazkek gero eta garrantzi handiagoa hartzen dute hegemonia globalaren inguruan ematen ari diren talkak ulertzeko orduan. Fenomeno hauek gure mundua ulertzeko duten garrantziaz jabetuta, nazioarteko testuinguru konplexua ulertzen laguntzen duten prestakuntza jarduerek garrantzi handiagoa hartzen dute nazioarteko politikaz eta ekonomiaz gehiago jakin nahi duten pertsonentzat eta instituzioentzat.

Uda Ikastaro honek geopolitika eta nazioarteko gatazkak diziplina anitzetatik landu nahi ditu. Ikastaroan zehar, hainbat hitzaldi eskainiko dira, batik bat UPV/EHUko akademikoekin lotura duten profesionalek emandakoak, eta nazioarteko politikan eta bere herrialde eta eskualdeetan gako diren gaiak landuko dira. Jarduera hau publiko anitzari zuzenduta dago; ondorioz, profil akademikoa duten profesionalentzat ez ezik, ikuspuntu dibulgatiboa bilatzen duten pertsonei zuzenduriko ikastaroa ere bada honakoa.

Parte Hartuz Ikerketa Talde kontsolidatuak eta Geopolitika eta Eremu Ikerlanen I.Nazioarteko Kongresuak (GEINK) sustatu dute Uda Ikastaro hau, eta dibulgazio zientifikoan kokatuta dagoen prestakuntza espazio bat eskaini nahi dio profil akademikotik harago dagoen publiko zabalago bati.