Pacto intergeneracional: pasado, presente y futuro

06.Ira - 07.Ira

Kod. G16-21

Erabilgarritasuna kalkulatzen...

Itxarote zerrenda
Data gaindituta

Uda Ikastaroa aurrez aurre ospatuko da eta online zuzenean parte hartzeko aukera ere egongo da ZOOM bidez. Matrikula prozesuan nola parte hartuko duzun aukeratu: aurrez-aurre edota online zuzenean.

Ikastaroaren lehen eguneko arratsaldean, aurrez-aurreko formatuan, parte-hartze saio bat egingo da. Saio horren helburua ikastaroa jarraituko duten pertsonen artean gaiaren inguruko hausnarketa eta elkarrizketa sustatzea izango da. Adin-tarte desberdinen begiradak uztartuz, parte hartzaileei ahotsa eman nahi diegu, haien parte-hartzeak ikastaroa aberastuko duelarik.

Mesedez, markatu matrikulazio-prozesuan parte-hartze saioan parte hartu nahi duzun, borondatezkoa da eta parte-hartzaileak adin-taldeen arabera aukeratuko dira. Antolaketa kontuengatik, saioa aurrez-aurrekoa izango da eta aforo mugatua izango du.

Belaunaldien arteko ituna idatzi gabeko arau bat da, halako moldez, non helduok adingabeak eta adinekoak zaintzen ditugun, pentsatuz gu adinekoak izango garenean helduen belaunaldiak (haurrak, gaur egun) zainduko gaituela, denboran disoziatutako elkarrekikotasunez. Idatzi gabeko arau hori oinarrizkoa da gure gizartean, eta hura gabe gizarte hau –gaur ezagutzen dugun moduan– ez litzateke bideragarria izango. Arrazoi askorengatik (demografikoak, ekonomikoak, lan arlokoak, bizitzeko eta elkarbizitzeko moduetan izandako aldaketengatik, etab.), belaunaldien arteko ituna ataka zailean dago, eta batzuk hasi dira, aktiboki edo pasiboki, hura ezbaian jartzen.

Belaunaldien arteko itunaren etorkizunari buruzko uda ikastaro honek aztergai izango ditu itunaren funtsezko alderdiak, hala politikoak nola sektorialak (eragina gizarte zerbitzuetan, osasunean, zuzenbidean...), eta gaur arte metatutako ebidentzia enpirikoa ere erreparatuko dio.

Helburuak

Belaunaldien arteko itunaren egoera aztertzea.

Itunaren egoera EAEn aztertzea, martxan jarri den eta laster eskolan aurkeztuko den inkestaren bidez.

Belaunaldien arteko ituna Europan zer egoeratan dagoen jakitea.

Itunaren ondorio politikoetan sakontzea.

Jarduera nori zuzenduta

  • Unibertsitateko ikasleak
  • Unibertsitarioak ez diren ikasleak
  • Irakasleak
  • Publiko orokorra

Kolaboratzaileak

  • Aubixa Fundazioa
  • Aurrez aurre eta online zuzenean ikastaroa
    • Gizartea
    • Ikastaroak guztientzat
    • Zahartzaroa
    • Zahartzaroa
  • 06.Ira - 07.Ira
  • Miramar Jauregia
  • Gaztelera
  • Balio akademikoa: 20 ordu