Ekaina 2019
Kriminologiaren Euskal Institutua Antonio Beristainek sortu zuen 1976. urtean, eta aitortza formala 1978an lortu zuen. Ikuspegi juridikoa delituari lotutako arazoei ekiteko ikuspegi nagusia zen garai haietan, IVAC-KREIk konpromiso bat hartu zuen plataforma bat sortzeko, non elkartu eta elkarreraginean arituko baitziren krimenari, kriminalitateari, delinkuenteari eta haren biktimei buruz askotariko diziplinatatik etorritako ezagutzak.
Ikastaroan zuzenbidearen arloko profesionalek eta komunikabideetakoek hartuko dute parte, eta aztertuko dute ea zer-nolako harremana dagoen informaziorako eskubidearen eta datuak babesteko oinarrizko eskubidearen artean, Datu Pertsonalak Babesteari eta Eskubide Digitalak Bermatzeari buruzko Lege Organikoa argitaratu ostean.
Estatuko Fiskaltza Nagusiaren 2018ko txostenaren arabera, ugaritu egin dira adingabeen arteko genero indarkeria kasuak, eta hamarkadako kopuru handienera iritsi dira (ondoren datoz 2012ko 632 kasuak). Hori dela eta, gizarte eragileek bereziki erreparatu behar diete indarkeriaren ernamuina sortzen den uneari eta Adingabearen Erantzukizun Penalari buruzko Lege Organikoaren hezkuntza ikuspegitik eman beharreko erantzunari, helduen arteko harremanetan bakarrik sortzen ez den arazo bat konpontze aldera.
Jardunaldi profesional hauen helburu nagusia da enpresak birmoldatzeko tresna juridikoak aztertzea, kontuan izanik erabaki enpresarial horren arrazoiak. Hala, birmoldaketa prozesuak aztertuko dira, hainbat ikuspegitatik, aintzat harturik erabaki horren arrazoiak. Hori horrela, hasteko, enpresa birmoldaketa operazioak aztertuko dira nazioarteko ikuspegi batetik, operazio horiek dakartzaten inplikazio bereziengatik. Bigarrenik, birmoldaketa heterogeneoei erreparatuko zaie, askotariko izaera juridikoko entitateen artean, baita haien zailtasunei ere.
Uztaila 2019
Madrilgo Probintzia Fiskaltzako delitu ekonomikoen ataleko kideek delitu horien inguruan antolatutako bigarren jardunaldiak. Aztergai izango dira delitu fiskalari loturiko hainbat gai: hala nola erregularizazioa, legez kontrako errenta tributazioa, egiletza eta partaidetza. Gainera, Zigor Kodean jasotako delitu figura berriak ere aztertuko dira: partikularren arteko ustelkeria eta diru-laguntzen iruzurra, besteak beste.
Familiaren kontzeptua, dinamika, egitura eta osaera gizartearen aldaketei eta aldaketa ekonomiko eta kulturalei egokitzen joaten da. Nahiz eta familiaren haustura ez izan porrot egin duen proiektu bat bakarrik, eta geldialdi eta atsekabe egoera batetik ateratzea ere irudikatzen badu ere, estres maila handiak eragiten ditu kideen artean, eta horrek eragina du familia osatzen dutenengan zein ezarritako familia harremanen sisteman.
Uda Ikastaro honen helburua da jarrera positibo bat sustatzea gizartean eta medikuntzan gaixotasun aurreratua eta terminala duten pertsonen arretari eta zaintzari dagokienez, giza duintasunean eta arreta profesionalean oinarritutako ikuspegi batetik, kontuan izanik gaixotasunaren bilakaera naturalarekiko errespetua eta pazientearen arretaren alderdi espiritualak eta emozionalak.
Agerikoa da, eta horrela erakusten dute suminduen, aurkakoen edo besterik gabe eszeptiko diren horien taldea osatzen duten milioika herritarrek, demokrazia hauteskunde-prozedura hutsa baino gehiago dela, baina egia da, halaber, hauteskundeekin lotutakoa dela edozein prozedura demokratikoren bide-hasiera. Botoak jarleku edo gobernu-kargu bihurtzeko prozesua da parte hartzean funtsatzen den edozein sistema demokratikoren oinarrizko eginbidea.
Ikastaroaren xedea da Europar Batasunaren etorkizuna aztertzea, sorrerako Tratatua indarrean sartu zenetik –1993ko azaroan– lehenengo mende laurdena eta haren Oinarrizko Eskubideen Gutunaren aplikazioaren lehenengo hamarkada igaro denean. Horretarako, kontuan hartuko da Batasunaren barnean sortu diren erronka eta desafio handienetako batzuen perspektiba.
Azkenaldian hartu diren erabaki judizial polemikoak –areagotu egin dutenak emakumeek nozitzen duten desberdintasun materiala eta ahuldu berdintasun formala– justizia patriarkal baten existentziaren erakusgarritzat hartu dira.
Ikasleentzako prezio murriztua eta ostatu beka eskaera egiteko, Curriculum Vitae-a, irakaslearen eskutitza eta ikasle izatearen agiria cdinternacionalvitoria@gmail.com emailera bidali. Laguntza aurrekontuaren arabehera banatuko da. Murrizpena onartzen bada, onarpenaren eskutitza atxikitu.
Ikastaro honetan, Europako Parlamentuaren VIII. Legealdian (2014-2019) izan diren eraldaketa positiboak aztertu nahi dira. Horretarako, aintzat hartuko dira Europako legitimitatean emandako aurrerapenak; izan ere, Batzordearen presidentea lehenengoz izan da hautatua hauteskunde emaitza batzuen ondorioz eta, beraz, Legealdi honetan, Europar Batasuna parlamentarizatu eta demokratizatu egin da.
Lurralde historikoetako eskudun erakundeek esleituta daukate beren lurraldearen barruan zerga-araubidea eduki, ezarri eta erregulatzeko gaitasuna, eta foru-aldundiei dagokie beren zerga-sistema osatzen duten tributuak ordainaraztea, likidatzea, ikuskatzea, berrikustea eta biltzea.
Hala ere, lurralde historikoen erakundeen artean koordinatzea, zergak harmonizatzea eta lankidetzan aritzea da Euskadiko zerga-sistemaren printzipio bereizi orokorretako bat, eta Autonomia Estatutuan nahiz Ekonomia Itunean dago jasota.
Aurrerapen teknologikoak delitu mota berriak sortu ditu. Sare sozialak sarri erabiltzen dituen edozein pertsonak paira baditzake ere, arrisku handiagoa dute ahulagoak diren kolektibo jakin batzuek: hala nola genero indarkeriaren biktimak diren emakumeek edo garapen fisiko eta mentalean dauden adingabeek.
Iraila 2019
Uda Ikastaro honek topagune izan nahi du hainbat diziplinatako profesionalentzat (zuzenbidea, psikologia eta lan arriskuen prebentzioa), enpresa erakundeetako eta sindikatuetako ordezkarientzat eta nazioarteko adituentzat, aztergai izanik lan arloko jazarpenaren eta indarkeriaren lege araubidea. Lehenengo egunean, hiru gai aztertuko dira: Espainiako auzitegiek arlo honetan indarrean dagoen legedia nola aplikatzen duten, jazarpenagatiko kexen barne protokoloak martxan jartzea enpresetan, eta Euskadin gai hauen inguruan gizartean dagoen eztabaida.
