Landa herrien bizi-iraunkortasuna / Ondarea, etxebizitza eta komunitatea

01.Urr

Kod. K17-21

Erabilgarritasuna kalkulatzen...

Itxarote zerrenda
Data gaindituta

Uda Ikastaroa aurrez aurre ospatuko da eta online zuzenean parte hartzeko aukera ere egongo da ZOOM bidez. Matrikula prozesuan nola parte hartuko duzun aukeratu: aurrez-aurre edota online zuzenean.

Egun Euskal Herriko landaguneetako herriek dituzten erroken artean, herrietako zein landa-lurretako ondorearen hustea dago. Fenomeno honek gune hauen egungo iraunkortasuna zalantzan jartzen du, ondare hau lurraldez kanpoko aisialdia eta turismoa oinarri duten interesen begiradapean baitago. Gentrifikazio deritzan prozesuak gure herrien eta landagunearen nortasun eta bizi ereduaren aldaketa sakona ekar dezake. Batetik ondare eraikiaren erabilera aldaketa dakar, honi lotuta lurralde eta paisaia erabilerarena, eta, bestetik eta larriena, bertako komunitateen bizitzeko dinamika kooperatzaileen haustura.

Landa herrietako erresilientzia gaitasuna handitzeko asmoarekin, kudeaketa ereduak berriak bilatu nahi dira ondare hustua biziberritzeko. Hargatik, Uda Ikastaro honetan, besteak beste: elkarbizitzarako etxebizitza kooperatiben aukerak aztertuko dira, auzolanaren oinarriak berreskuratu asmoz, egunerokotasunean komunitatean lan egin eta elkar zaintza ohituren berreskuratzeko aukera izan daitekeen ikusi nahi da. Ondarea, eraikuntza soilaz gain, lurraldearen kudeaketa tradizioaren gaurkotzea emateko aukera dela ikusten da; eta horri lotuta elkarbizitzarako dinamikak berreskura daitezke, landa herrien etorkizun iraunkorrago baten bidea jorratzeko asmoz.

Helburuak

Landa inguruetako herrien erresilientzia gaitasuna sendotzeko bideak jorratzea etorkizun iraunkor baterako.

Landa herrietako ondarea eraikuntzaz gain lurralde kudeaketa eredu eta komuneko giza harreman moduan aztertzea.

Etxebizitza kooperatiba ereduak landa ingurua biziberritzeko izan ditzaketen aukerak eta honek dakartzan erronkak aztertzea.

Etxebizitza eskubidea, lurraldearen eskubidearekin eta komunitatean bizitzeko aukerarekin lotzea.

Jarduera nori zuzenduta

  • Profesionalak
  • Publiko orokorra

Metodologia

Oinarri praktikoetatik gai teorikoak landu, praktika berriak ezagutu eta ikastaroan parte hartzen dutenen hausnarketatik ondorioak atera nahi dira, honetarako bi mahai inguru eta lantegi bat proposatzen dira:

1- Mahai ingurua: praktikan oinarritutako gai teorikoen aurkezpenarekin; landa lurrerako hirigintza, ondarea etxebizitza bilakatzeko moduak eta ondarearen lurrakdearen kudeaketaeredu gisara planteatu dira.

2- Mahai ingurua: iparraldean ematen ari den landa inguruaren gentrifikazioa azalduko da eta etxebizitza kooperatiboean bi kasu zehatz aurkeztuko dira, bata katalunian eta bestea bizkaian.

3- Lan Tailerra: taldeka ikastaroko parte hartzaileek beraien herrien errealitatea plazaratu eta goizean entzundakoarekin etorkizunerako lan hildoak eta  ondoriaoak atera nahi dira.

 

Kolaboratzaileak

  • Baztango udala
  • Arkitektura Saila
  • Arkitektura eskola
  • Aurrez aurre eta online zuzenean ikastaroa
    • Arkitektura
    • Artea eta Kultura
    • Donostia Kultura
    • Gizartea
    • Ikastaroak guztientzat
  • 01.Urr
  • Arizkunenea Kultur Etxea
  • Euskara
  • Balio akademikoa: 10 ordu