Bigarren Ricardo Echepare Konferentzia

Eusko Jaurlaritzako Zientzia, Unibertsitateak eta Berrikuntza sailari esker Ricardo Echepareren izena daraman ekimena jarri da abian UPV/EHUko Uda Ikastaroen 2024ko ekitaldiaren baitan.

Ricardo Echepare (Irun, 1948) Euskal Herriko Unibertsitateko katedraduna eta Donostiako Ingeniaritza Teknikoko Eskolako zuzendaria izan zen. Epe labur batez Irungo alkate eta Gipuzkoako kultura diputatu izan zen. 1980ko hamarkadaren hasieran UPV/EHUko Uda Ikastaroak bultzatu zituen sortu berri zen unibertsitatea euskal gizartera hurbilarazi asmoz. UPV/EHUko Uda Ikastaroetako zuzendaria izan zen 1981etik 2008ra eta Uda Ikastaroak unean uneko akademiko, intelektual, artista eta politikari garrantzitsuenen nahitaezko hitzordu izatea lortu zuen.

Ricardo Echeparek ezagutzaren zabalkundearen mesedetan eta hezkuntzaren alde egindako lanari eta izpiritu horri bide emanez bere izena daraman konferentzia antolatuko da aurrerantzean urtero. Ezagutzaren transferentziari eta ikerketa zientifiko eta teknologikoaren inpaktu sozialari buruzko hitzaldiak izango dira, aldi berean, goi-mailako hezkuntzari, ingeniaritzetako prestakuntza dualari eta kalitatezko unibertsitate-kudeaketari buruz aritzeko espazio prestigiotsua bilakatzea da xedea.

Ricardo Echepare izeneko konferentzia Miramar Jauregiko Errege Jangela aretoan ospatuko da urtean behin eta areto bertan Echeparek egindako ekarpena ohoratuko duen plaka bat jarri da.

2. Ricardo Echepare Konferentzia

2025eko irailaren 24an ospatu zen 2. Ricardo Echepare Konferentzia José A. Lozanoren eskutik. Lozano Euskal Herriko Unibertsitateko (EHU) Konputazio Zientziako eta Adimen Artifizialeko katedraduna eta Basque Center for Applied Mathematics (BCAM) ikerketa-zentroko zuzendari zientifikoa da. 2024ko Euskadi Ikerkuntza Saria jaso zuen.

Egitaraua:

• UIKko Zuzendari akademikoaren agurra.
• Jose A. Lozanoren konferentzia:
• Zientzia, Unibertsitate eta Berrikuntza sailburuaren hitzak.
• EHUko errektorearen hitzak.

Babeslea: