Herri txikienetan eta landa eremuan biztanlegoa finkatzeko neurriak

Gipuzkoak 88 udalerri ditu, eta horietatik 48k 2.500 biztanle baino gutxiago dituzte, guztira 40.000 biztanle inguru batzen direlarik, lurraldeko soilik % 5,5a. Gainera, herri handiagoetako landa eremuek eta auzo askok haien antzekotasun handia dute. Hau da, hiri gutxi batzuetan, industriak pisua duenetan eta nagusiki kostaldean, biztanlegoaren kontzentrazio handiena ematen da. Halere, Gipuzkoaren xarma eta aberastasun asko pilatzen da herri txikienetan eta landa eremuan, euskararen arnasgune izaten jarraitzen dutelarik eta lurraldeari oreka interesgarri bat ipiniaz. Zeren, edozein lekutatik bere eskualde burura 15 minututan iritxi daiteke.

Berrikuntzak eta gizartea hain azkar doazen aro hauetan garrantzitsua da herri txikienetan eta landa eremuetan azpiegitura, zerbitzu eta etxebizitza egokiak izatea (Legebiltzarrak Lege berri bat onartu du 3.000 biztanle arteko udaletan administrazio publikoak saltzeko etxebizitzak sustatu ahal izateko), bai ekimen pribatuetatik zein erakunde publiko ezberdinetatik bultzatakoak. Neurrien hausnarketa eta berrasmatze bat burutzea beharrezkoa jotzen da, halere.