Hizkuntzalaritza eta Literatura

Doako jarduera

Uda ikastaroa

Ahozko euskara 2025ean

Eka. 25 - 25. Eka, 2025 Kod. L01-25

Euskara estandarrak ia 60 urteko ibilbidea eginda, une interesgarria izan daiteke hizkuntzaren aldetik ahozko jardunek nolako bilakaera izan duten ikusteko eta euskara mintzatuaz zer berri daukagun azaltzeko.

All events

PDFa eskuratu

Azalpena

Azken urteotan, euskararen ahozko jarduna aztergai duten hainbat lan egin dira euskal dialektologiaren eta soziolinguistikaren esparruetan; eta alde horretatik izan da aurrerapenik hizkuntza mintzatuaren ikerketan. Kontuan izanik euskara estandarrak ia 60 urteko ibilbidea duela, une interesgarria izan daiteke hizkuntzaren aldetik ahozko jardunek nolako bilakaera izan duten ikusteko eta euskara mintzatuaz zer berri daukagun azaltzeko.

Uda Ikastaro honetan, bi egoera bizitu dituzten hizkerak hartu nahi ditugu kontuan, bai Hego Euskal Herrian, bai Ipar Euskal Herrian ere: bizitasuna gorde duten hizkerena eta galera jasan duten hizkera zenbaitena (erronkariera, adibidez).

Irakurri gehiago

Helburuak

Ahozko hizkuntzari dagozkion ezaugarri nagusiak deskribatzea.

Euskalkien eta euskara estandarraren arteko harremanaz eztabaidatzea.

Euskara bizitasunez gorde den inguru batzuetako hizkeren lekukotasunak erakustea.

Euskalkiaren galera edota hizkuntzarena izan duten eremuetako testigantzak ekartzea.

Jarduera nori zuzenduta

Publiko orokorra
Unibertsitateko ikaslea
Irakasleak
Profesionalak

Programa

2025-06-25

09:00 - 09:15

Erregistroa / Registro

09:15 - 09:25

Jardueraren zuzendaritzaren aurkezpena

Aurkezpena

Irantzu Epelde Cendoya | IKER UMR5478 - Ikertzailea

09:30 - 10:15

“Sare sozialetako mezuei ahoskeratik begiratuz“

Oroitz Jauregi Nazabal | UPV/EHU - Irakaslea

10:15 - 11:00

“Euskararen ahoskera, hzkera-mailak eta aldakortasuna“

irati Urreta | IKER UMR5478 - Ikertzailea

11:00 - 11:30

Kafea

11:30 - 12:15

“Hika Azpeitian: hiru belaunaldi, zenbait berrikuntza“

Alex Artzelus | Nafarroako Unibertsitate Publikoa - Irakaslea

12:15 - 13:00

“Zergatik galdu da noka? Noka berreskuratzeko ikerketa-ekintza partehartzailea Goizuetan“

Oihana Lujanbio Begiristain | UPV/EHU - Irakaslea

13:00 - 13:45

“Erronkarieraren ikerketa: joandako hizkera bati ahotsa emanez“

Leyre Rojo Horrillo | UPV/EHU - Doktoregaia

Zuzendariak

Irantzu Epelde Cendoya

IKER CNRS (UMR 5478)

Ikertzailea, CNRS-IKER UMR5478.

Hizlariak

Alex Artzelus

Irakaslea, Nafarroako Unibertsitate Publikoa (NUP).

Irantzu Epelde Cendoya

IKER CNRS (UMR 5478)

Ikertzailea, CNRS-IKER UMR5478.

Oroitz Jauregi Nazabal

UPV/EHU

Oroitz Jauregi Nazabal (Legorreta, 1974). Euskal Filologian eta Aleman Filologian lizentziatua (Euskal Herriko Unibertsitatetik) eta Euskal Filologian doktorea da (Euskal Herriko Unibertsitatetik). 2004tik irakaslea da Euskal Herriko Unibertsitatean, egun Hizkuntzalaritza eta Euskal Ikasketak Sailean. 2007an euskararen silabaren inguruko tesia egin zuen M.L. Oñederra irakaslearekin. Euskararen fonologia izan da, oro har, bere azter eremu nagusia.

Oihana Lujanbio Begiristain

UPV/EHU

Oihana Lujanbio Begiristain (Goizueta, 1982). Euskal Filologian lizentziaduna (2004) eta Euskal Hizkuntzalaritza eta Filologian doktorea (2016) Euskal Herriko Unibertsitatean. Unibertsitate berean irakasle atxikia da 2021az geroztik, eta Arabako Campusean ari da irakasle-lanetan. Ikerketa-ibilbidea soziolinguistika eta dialektologiara bideratu du, batez ere. Soziolinguistikan aritu da Soziolinguistika Klusterrean (2006-2010) eta Euskaltzaindian Euskararen Historia Soziala egitasmoan (2016-2020). Klusterrean Soziolinguistika Eskuliburuaren koordinatzailea izan da eta baita Eralan eta Euskararen Normalizazio Kasu Aurreratuak proiektuena ere, besteak beste. Proiektu horiekin lotutako lanak argitaratzeaz gain, azentuaren eta hizkuntza-aldakortasunaren gainean idatzi du.

Leyre Rojo Horrillo

Leyre Rojo Horrillo (Gasteiz, 2000). Euskal Ikasketetan graduatua eta Euskal Hizkuntzalaritza eta Filologiako Masterrean lizentziatua. Gaur egun, doktorego-tesia egiten ari da Joseba A. Lakarra eta Eneko Zuloagaren zuzendaritzapean, Eusko Jaurlaritzaren Doktoretzako Prestakuntza Programako beka baten bidez (2024tik aurrera). Euskararen azterketan ikuspegi diakronikoa izan du ikergai nagusi, bereziki Erronkaribarreko euskalkian. Ikerketa-lerro hori hasi zuen hizkeraren n eta l ondoko herskarien eta corpus historikoaren azterketarekin, eta horren emaitzak aldizkari akademikoetan argitaratu dira (Rojo 2023a, 2023b). Ikasiker bekari esker (2022–2023), Mariano Mendigatxaren gutunen edizio kritikoa egin zuen. 2023an, Sancho el Sabio Fundazioak antolatutako Unibertsitateko Ikerketa Sariketan lan onenaren saria jaso zuen.