Aula DV - ¿Cualquier tiempo pasado fue mejor?

Mundu erabat digitalizatu batean jaio izanak, gizarte- eta kultura-aldaketekin batera, guztiz aldatu du belaunaldi berriek —Z belaunaldiak eta Alpha belaunaldiak— bizitzeko, harremanak izateko eta mundua ulertzeko duten modua. Pertsona askorentzat benetako erronka da haien unibertsoa, komunikatzeko kodeak edota erabiltzen duten hizkuntza ulertzea.

Egia da belaunaldien artean beti egon dela nolabaiteko distantzia. Hala gertatu da Baby Boomers belaunaldiarekin, X belaunaldiarekin edo Millennialekin ere. Hala ere, gazteenen belaunaldiei buruz hitz egiten dugunean, badirudi distantzia hori benetako arrakala bihurtu dela.

Posible al da arrakala hori murriztea eta haiekin konektatzeko aukera emango diguten zubiak eraikitzea? Belaunaldi ahulago edo galduen aurrean al gaude? Benetan izan al zen iragana hobea?

Elkarrizketa honetan, Isa Duque (@lapsicowoman) psikologoak eta Z belaunaldian adituak, belaunaldi berrien orainari eta etorkizunari buruz maiz zabaltzen den alarmismoa albo batera uztea proposatuko digu. Ikuspegi hurbil eta praktiko batetik, belaunaldi berriak ulertzeko dugun modua eguneratzera gonbidatuko gaitu, eta belaunaldien arteko elkarrizketa sustatzera, elkar ulertzea eta gizarte-eraldaketa bultzatzeko funtsezko tresna gisa. Hori guztia bere hitzaldietan bereizgarri dituen umorea, freskotasuna eta dinamismoa uztartzen dituen solasaldi baten bidez.