Estrategias de Internacionalización: Financiación, Geopolítica y Competitividad para PYMEs

Uda Ikastaro honek kanpoko merkatuetan hazten ari diren euskal enpresek aurrean duten agertoki globalaren ikuspegi integrala eta eguneratua eskaini nahi du. Nazioarteko eraldaketa handiak —AEBren eta Txinaren arteko tentsioak, produkzioaren birkokatzea, Europako trantsizio energetikoa, Afrikako kontinentearen gorakada eta merkataritza akordio berriak— testuinguruan jartzen dituen analisi geopolitiko batekin hasten da, eta horrek ETEei nola eragiten dien aztertzen du.

Esparru horretatik abiatuta, nazioartekotze estrategia lehiakorra diseinatzeko funtsezko elementuetan sakontzen da: merkatuen aukeraketa, sartzeko ereduak, produktuaren egokitzapena eta kasu errealen azalpena.

Programak nazioarteko hedapenari eustea ahalbidetzen duten finantza tresnak jorratzen ditu, bai finantzaketa publikotik, bai pribatutik, bai eta inbertitzaileentzat plan ekonomiko sendo eta erakargarria egiteko gakoak ere.

Sortzen ari diren arriskuen kudeaketari eskainitako bloke batekin osatzen da; bertan, arrisku geopolitikoak, klimatikoak eta ingurumenekoak identifikatzen dira, eta enpresa arriskuen mapa bat eraikitzen da.

Saioa amaitzeko, mahai inguru bat egingo da, industriaren, geopolitikaren eta finantzaketaren arloko esperientzia errealak emateko.