Euskal hedabideen audientzia digitala: metrika adostuen garaia

Libe Mimenza Castillo (Elorrio, 1988) kazetari, komunikazioaren ikertzaile eta hedabideetako iritzi-emaile euskalduna da. Euskal Herriko Unibertsitatean ikasi zuen kazetaritza, eta ondoren Multimedia Komunikazioko eta Gizarte Komunikazioko masterrak egindakoa da. Komunikazio digitalean eta transmedia alorrean egin du lan eta ikerketa, NOR ikerketa taldean, besteak beste. 2016tik hona, Euskal Hedabideen Behategiko koordinatzailea da.

Igor Astibia Teiletxea HEKIMEN elkarteko zuzendaria da. HEKIMEN elkarteak herri ekimenetik sortutako euskal hedabideak biltzen ditu bere baitan eta sektorea indartzeko eta hobetzeko dihardu lanean.

Aitziber Agirre Ruiz de Arkaute (Gasteiz, 1974) Elhuyar Fundazioan egiten du lan, zientzia-kazetaritzaren alorrean. Une honetan, Elhuyar aldizkariko zuzendaria eta erredaktorea da, eta, aurretik, Teknopolis telebista-saioko aurkezle eta erredaktore aritu zen. Biokimikan doktorea da. Biofisika Unitatean (CSIC-EHU) egin zuen bere doktoretza, polio, GIB eta gripearen birusek zelulak infektatzeko garatu dituzten mekanismoak ikertzen.

Jon Aizpurua Espin (Durango, 1963) Eusko Jaurlaritzako Hizkuntza Politikarako Sailburuordetzako Plangintza eta Azterlanetako zerbitzuburu. Euskaltzain urgazle izendatua 2018an. Euskal Filologian lizentziaduna da.

Eusko Jaurlaritzako Kultura eta Hizkuntza Politika saileko Euskara Sustatzeko zuzendaria da. Aurretik Gipuzkoako Foru Aldundiko Euskara Zuzendaria eta Euskararen Aholku batzordeko kidea izandakoa. Formakuntzaz ingeniari industriala materialetako arloan eta masterra enpresara aplikatutako kalitate kudeaketan.

Josu Amezaga Albizu (Caracas, 1960) Euskal Herriko Unibertsitateko irakaslea da, Gizarte eta Komunikazio Zientzien Fakultatean, 1987tik eta NOR Ikerketa Taldeko burua. Ikus-entzunezko Komunikazioa eta Publizitatea Saileko zuzendaria izan zen. Soziologian lizentziatua eta Soziologia Politikoan doktorea, Paulo Iztuetak zuzendutako euskal kulturari buruzko tesiari esker. Ibilbide akademikoan hizkuntza, kultura, komunikazioa eta nortasunaren bueltan ibili da, euskarari bezainbeste Europako eta munduko beste hizkuntza gutxitu askori ere erreparatuz: hala lurralde bati lotutako hizkuntzei nola migrazioaren hizkuntzei ere. EiTBko eta Berriako Administrazio batzordekide izan da.

Lorea Arakistain Aizpiri (Eibar, 1983). PuntuEUS Fundazioko marketin arduraduna da 2014tik. Komunikazio arloko profesionala, kazetari bezala hasi zuen ibilbide profesionala (Herri Irratia, Euskadi Irratia...) eta zientziare eta teknologiaren gizarteartzean aritu zen Elhuyarren. Ingurune digitalak sortzen zituen aukerak erakarrita komunikazio estrategikoaren eta marketin digitalaren arloan egin ditu azken 10 urteak. Euskarazko marketin digitalaren erronkari aurre egiteko bideak bilatzen ere aritzen da.

UPV / EHUko irakaslea eta ikertzailea da 1988az geroztik. Aurretik, kazetari gisa lanean aritu zen ETBn, harrezkero hainbat ikus-entzunezko zein idatzizko komunikabideekin kolaboratzen du. Kazetaritzan lizentziatu zen 1982an, Euskal Herriko Unibertsitatean, eta 1995ean unibertsitate berean doktoratu zen. Irrati, telebistarako eta Interneteko programazioarekin lotutako gaiak irakasten ditu eta hainbat liburu eta artikulu argitaratu ditu gai horien inguruan. NOR ikerketa taldeko kidea da eta MINECO eta UPV/EHUk diruz lagundutako ikerketa proiektuetan lan egiten du.

Doble Licenciada en Derecho y Administración y Dirección de Empresa por la Universidad Pública de Navarra, y Máster en Asuntos Europeos en Sciences Po Paris. Tras una experiencia en el Parlamento Europeo, he trabajado como consultora de proyectos europeos en Euronet Consulting, centrándome en proyectos de ayuda al desarrollo en el ámbito de las infraestructuras y en CARSA, especializándome en la gestión de proyectos de innovación y transformación digital e industrial. Desde 2018 trabajo en la AECT Eurorregión Nueva-Aquitania Euskadi Navarra como técnica del área de empleo, innovación y formación.

20 urte baino gehiagoko esperientzia du merkatu-ikerkuntzan, eta hainbat motatako konpainietan egin du lan (institutu, komunikabide-agentzia edota aholkularitzak). Bezero-beharren eta metodologien egokitasunaren ikuspegi orokorra lortu du. Azken 10 urteetan neurketa digitala, data Analytics eta metodo tradizionalen integrazioa izan ditu ardatz. Hainbat foro eta mintegitan txostengilea izan da, eta industria digitaleko eta ikerkuntzako elkarte sektorial garrantzitsuenekin parte-hartze handia izan du. Masterreko eta irakaskuntzako ohiko laguntzailea. Merkatu Ikerketa eta Tekniketan lizentziaduna (UA). Estatistika diplomaduna, Sevillako Unibertsitatean.

LIN3S enpresan analista digitala automozio, hedabide eta "Real state" sektoreetan. Deustoko "Big Data & Business Intelligence" programan parte hartua eta marketing inguruko herraminten ezaguna.

Kimika Zientzietan lizentziatua eta Software Librean Unibertsitate Espezialista EHUn. 2012tik, Iametzako garapen-taldeko kide eta 2014tik ARGIA.eus-eko web garatzaile.

Xabier Landabidea Urresti (Bilbo, 1981) Deustuko Unibertsitateko Euskal Gaien Institutuko ikerlari elkartua eta irakaslea da. Ikus-entzunezko Komunikazioan Lizentziatua eta Politika eta Administrazio Zientzietan Lizentziatua da. Enpresa, Erakunde eta Ikus-entzunezko Komunikazioan EiTB-Deusto Masterra eta Aisia eta Giza Potentzialean Doktorea da. Udako Euskal Unibertsitateko kide ere bada.

Aritz Martinez de Luna Urzelai (Gasteiz, 1981) ALEA hedabideko zuzendaria da. TOKIKOMeko administrazio kontseiluko kidea ere bada, eta baita Euskaltzaleen Topaguneko zuzendaritza batzordeko kidea ere. Alearen ordezkaritza lanetan, Arabako Foru Aldundiko Euskara Batzordeko kidea da eta baita Gasteizko Udaleko Euskara Elkarguneko partaidea ere.

Hamaika Telebistako ekoizpen eta baliabide teknikoen arduraduna da. Ikus-entzunezko komunikazioan lizentziatua da, Euskal Herriko unibertsitatean.

Jordi Morales-i-Gras Soziologiako doktorea da Euskal Herriko Unibertsitatean (EHU). Zientzia Sozial Konputazionala da haren espezializazio-eremua, eta arreta handia jartzen du Sare Sozialen Analisian eta Adimen Artifizialean. Bilbao Business School-eko Ganberako Informazio Sistema Aurreratuen arduraduna da, eta irakasle gisa aritzen da UPV/EHUko Ikerketa Sozialeko Eredu eta Arloen Masterrean, UOCeko Social Media masterrean eta Ciènciako Professionals de la Ciènciako Col·legi-ko Datuen Analitikako Graduondokoan. Halaber, Network Outsight-en sortzailea eta CEO da, Big Dataren azterketa soziologikoan espezializatutako aholkularitza-enpresa.

Beatriz Narbaiza Amillategi (Ermua, 1968) Kazetaritzan lizentziatua eta Ikus-entzunezko Komunikazioan doktorea. UPV-EHUko ikertzailea eta irakaslea gradu eta masterrean. Hainbat liburu-kapitulu eta artikulu argitaratu ditu.

Leire Palacios Eguiguren (Bilbo, 1986) Ikus-Entzunezko Komunikazioan eta Giza Zientzietan Lizentziaduna da. Master ikasketak egin ditu Enpresa Nazioartekotze arloan, Irakaskuntzan eta Humanitate Digitaletan Kultur arloko hainbat proiektutan militatzen du. Humanitate Digitalak eta berrikuntza uztartuz egiten du lana, hizkuntza, kultura eta esperimentazioa ardatz ingurune digitaleko proiektuen sorkuntza eta kudeaketan. Enpresa alorrarekin paraleloan egiten du komunikazion ibilbidea. Lan egin du hedabide digitaletan, paperezko prentsa idatzian, irratian, eta telebistan.

Pello Urzelai Agirre (Bilbo, 1961) Kazetaria eta Berriako IKTen arduraduna da. Berriako Politika Saileko arduraduna izan da eta aurretik Euskaldunon Egunkarian, Hemen astekarian egin zuen lan, eta Argia aldizkariko kolaboratzailea izan zen. Bi kazetaritza libururen egilea da: Amesgaiztoa. Egunkaria Auziko epaiketaren kronika (Berria, 2010) eta Su etenaren apustua (Berria, 1999).

Lontzo Sainz EITBko Estrategia eta Ikerketa zuzendaria da. Kazetaritza ikasi zuen EHUn, EFE agentzian eta DEIA egunkarian kolaborazioak egiten zituen bitartean. Bekadun moduan sartu zen EITBn eta gerora albistegietako kazetari, arloburu, bateragile eta editore izan zen. 1999. urtean EITB Taldeko prentsa buru izatera pasatu zen eta 2004an eitb24.com albisteetako atariaren burua. Gerora Sare Sozialetako lehen antolaketa eta egitura analitikoa gidatzea tokatu zitzaion, eta 2018ra arte, albisteetako eta parte-hartzerako burua. Urte hartan Transformazio Digitalerako zuzendaritza berrian hasi zen eta iaztik dabil Estrategia eta Ikerketa zuzendari.