TogaGune ikastaroa: Ikaskuntza-Zerbitzua errealitateak eraldatzeko metodologia gisa
Zer eta nola egin hezkuntzatik komunitatea saretzeko? Egungo panoramika eta proiektuen diseinua.
Azalpena
Ikaskuntza-Zerbitzua (I+Z) indarra hartzen ari den eredua da gure hezkuntza sistemaren baitan. Horren adibide da Euskal Herriko Unibertsitatean (UPV/EHU) finkatu beharreko hezkuntza-estrategiatzat jaso, onartu eta babesteko oinarriak ezartzen ari direla, “EHUagenda 2030” (EHU, 2019) eta Unibertsitateko Gizarte Erantzukizuna (Amiano, 2019; Jasangarritasun Batzordea) eraginkortasunez garatzeko konpromiso- eta ekintza-esparruaren barruan. Horretarako, Hezkuntzarako Laguntza Zerbitzuaren (SAE-HELAZ) ardurapean I+Z Laborategi Iraunkorra (A-S i3 Lab) martxan jarri zen 2023ko azaroan, metodologia hau egituratu eta instituzionalizatzeko bidean.
I+Z ingurunearekin eta komunitatearekin lotura sendoagoak sortzeko proposamena da, balio zibiko eta sozialak garatzea ahalbidetzen duen planteamendu metodologikoa izanik. Oinarri pedagogiko sendoak ezartzen ditu, alde batetik, hezkuntza-kalitatea bermatzeko ikaskuntza esanguratsua sustatzen duelako eta giza-garapena eredu integral, parte-hartzaile eta sozial batetik begiratzen duelako, eta, bestetik, jasangarritasuna eta eraldaketarako bidean ardura kolektiboaz hausnartzeko bideak zabaltzen dituelako.
Hau guztia posible izan dadin, hezkuntza-proposamen berean ikaskuntza kurrikularra eta komunitatea hobetzeko zerbitzua bat egitea du helburu metodologia honek. Horrela, izenak adierazten duen gisa, zerbitzua eta parte-hartze aktiboa, gogoeta eta esperientziazko ikaskuntzak bermatzen dituen proiektuak garatzen ditu. Hala, komunitateari zerbitzu bat ematea bilatzen da, gizartea eraldatzeko herritar arduratsuak heziz eta aldi berean ikaskuntza esperientziala eta aktiboa bilatuz.
Uda Ikastaroak Ikaskuntza-Zerbitzua metodologiara hurbilpen bat izan nahi du. Parte-hartzaileek, zenbait oinarri teoriko barneratu ostean, norberaren praktikari buruz hausnartzeko tartea izango dute eta hezkuntza-testuingurutik gertuko errealitateak hobetzeko erronkari erantzuteko plangintza posible bat zehazten hasiko dira. Hau da, Ikastaroan, parte-hartzaileak etorkizuneko irakaskuntza-ingurunearen benetako beharren gainean lan egiten trebatuko dira, arreta berezia jarriz hurbileko gizarte-arazo eta -premia errealen analisi kritikoan eta ulermenean, eta horiek modu sortzailean konpontzen.
Ikastaro hau TopaGune motatakoa izango da. Izen hau, partaidetza maila altuena eragiten duten ikastaroei ematen zaie. Kasu hauetan ikastaroen zuzendariak, UIKko zuzendaritza akademikoak eta ikastaroan erraztatzaile lanak egingo dituen pertsonak elkarrekin diseinatzen dituzte eraginkorrenak izango diren teknikak ikastaroa parte hartzailea izateko.
Helburuak
Giza justizia eta eraldaketarako bidean komunitatean parte-hartze aktiboak ezagutzea; norberaren eraldaketa abiapuntu izanik.
I+Z funtsezko ezaugarriak ezagutu eta ulertzea, estrategia metodologiko eta gizartea hobetzeko tresna gisa. I+Z metodologia aktibo gisa ulertzea.
I+Z hezkuntza-sistemak gizarte-erantzukizunarekin bat egiteko eta Garapen Iraunkorrerako Helburuei erantzuteko bide bezala aitortzea.
Hezkuntza-etapa ezberdinetan I-Z proiektuak planifikatzeko eta garatzeko aukerak identifikatzea.
Jarduera nori zuzenduta
- Unibertsitateko ikaslea
- Unibertsitarioak ez diren ikasleak
- Irakasleak
- Profesionalak
Metodologia
Ikastaro honen xedea partaideek metodologia berritzaile bat ezagutzea izanik, honen ezagutza, ulermen eta bizipenerako metodologia bera erabiliko dugu Ikastaroa beraren hezurdura osatzeko. Hots, Ikastaroan zehar parte-hartzaileek Ikaskuntza-Zerbitzuaren (I+Z) proiektu baten simulazio bat egingo dute era transbersalean; egoera baten aurrean beharrak aztertu eta horien baitan zerbitzu bat diseinatzeko. Horretarako, Ikastaroa teoriko-praktikoa izango da. Teorikoa, I+Z-ren inguruko oinarrizko informazioa jasoko dutelako eta praktikoa jasotzen doazen ezagutza horiek haien proiektua osatzeko lagungarriak izango direlako. Azkenik, hausnarketa bat osatu beharko dute maila indibidual zein kolektiboan. Guzti hau aurrera eramateko dinamizazio-aholkulari talde bat egongo da, ezagutzak barneratzeko eta proiektua egiteko bidelagunak izango direnak.
Lankidetza
Programa
2024-06-25
“Erregistroa“Jardueraren zuzendaritzaren aurkezpena
Ongi etorria
- Irati Leon Hernandez | Euskal Herriko Unibertsitatea UPV/EHU - Irakaslea
- Maitane Basasoro Ziganda | Euskal Herriko Unibertsitatea UPV/EHU - Irakaslea
Inaugurazio instituzionala. Parte hartzeko ordena:
Talde dinamika eta garatu beharreko proeiktuaren nondik norakoak
- Maitane Basasoro Ziganda | Euskal Herriko Unibertsitatea UPV/EHU - Irakaslea
- Irati Leon Hernandez | Euskal Herriko Unibertsitatea UPV/EHU - Irakaslea
- Isabel Margarita Ugalde Salas | Euskal Herriko Unibertsitatea UPV/EHU
“Zergatik Ikaskuntza-Zerbitzua? Egungo egoera eta oinarriak“
- Ana Luisa López Vélez | Euskal Herriko Unibertsitatea UPV/EHU - A-S i3 Lab-en kidea
- Monike Gezuraga Amundarain | Euskal Herriko Unibertsitatea UPV/EHU - A-S i3 Lab-en koordinatzailea
“Zer da eta zertan datza Ikaskuntza-Zerbitzuak?“
- Olatz Bastarrica Varela | Euskal Herriko Unibertsitatea UPV/EHU - Irakaslea
- Elena Lopez de Arana Prado | Universidad Autónoma de Madrid | UAM - Irakaslea
Atsedena
Mahai ingurua: “Ikaskuntza-Zerbitzuan oinarritutako esperientziak I: Errealitateak eraldatuz: Unibertsitatea eta Komunitatea, hezkuntza Ikaskuntza-Zerbitzuan oinarritutako Gradu eta Master Amaierako Lanen bitartez humanizatzeko xedearekin lanean (CBL programa)“
- Nerea Permach Martin | Euskal Herriko Unibertsitatea UPV/EHU - Irakaslea
- Rakel Gamito Gomez | Euskal Herriko Unibertsitatea UPV/EHU - Errealitateak eraldatuz CLB proiektuko koordinatzailea
Mahai ingurua: “Ikaskuntza-Zerbitzuko proiektu errealak: parte-hartzaileen begiradak gurutzatzen (II esperientzia)“
Ikaskuntza-Zerbitzuan oinarritutako esperientziak II :Euskal Haur Literatura eta IKT-ak uztartzen dituen lantegi baten diseinua Gasteizko GEU Elkartearekin elkarlanean
- Haizea Galarraga Arrizabalaga | Euskal Herriko Unibertsitatea UPV/EHU - Irakaslea
- Arkaitz Salazar Maestu
- GEU Elkartea | GEU elkarteko kidea
Proiektuaren hasiera: ideia zaparrada
Sintesia
2024-06-26
“Nola planifikatu Ikaskuntza-Zerbitzuan oinarritutako proiektu bat?“
- Maria Teresa Vizcarra Morales | Euskal Herriko Unibertsitatea UPV/EHU - Irakaslea
- Ainhoa Gómez Pintado | Euskal Herriko Unibertsitatea UPV/EHU - Irakaslea
Proiektua: Ikaskuntza-Zerbitzuan oinarritutako proiektu baten diseinua
Atsedena
Proiektua: Partekatzea eta taldeko gogoetak
Itxiera
Sintesia eta itxiera
- Irati Leon Hernandez | Euskal Herriko Unibertsitatea UPV/EHU - Irakaslea
- Maitane Basasoro Ziganda | Euskal Herriko Unibertsitatea UPV/EHU - Irakaslea
Zuzendariak
Irati Leon Hernandez
UPV/EHU
Hezkuntza Zientzietan doktorea, Psikodidaktikan masterra eta Haur Hezkuntzan graduatua. 2021an defendatu zuen bere doktoretza tesia, “Transfeminismotik ekarriak Haur Hezkuntzara: Esakola eta identiatearu buruzko kasu-azterketak neoliberalismogaraian" izenburupean. Egun irakasle atxikia da Gasteizko Hezkuntza eta Kirol Fakultatean (UPV/EHU) eta bere ikerketa lanek 0-3a, aniztasuna eta pedagogia (trans)feministak dituzte ardatz eta izateko eta egiteko moduen ikerketak murgildua dago.
Maitane Basasoro Ziganda
UPV/EHU
Hezkuntza Zientzietan doktorea, Psikodidaktikan masterra eta Haur Hezkuntzan eta Lehen Hezkuntzan graduatua. 2022an defendatu zuen bere doktoretza tesia, “Ikasleen parte-hartzea eskola demokratikoak eraikitzeko giltzarri. Irakasleen begirada berritu batetik abiatutako Antzuola Herri Eskolako hezkuntza proiektua” izenburupean. Egun irakasle atxikia da Donostiako Hezkuntza, Filosofia eta Antropologia Fakultatean (UPV/EHU) eta bere ikerketa lanek demokrazia eta justizia soziala hezkuntzan, ikasleen partaidetza, eta pedagogia kritikoa dute ardatz.
Hizlariak
Olatz Bastarrica Varela
EHU/UPV
GEU Elkartea
GEU Gasteiz Euskalduna irabazi asmorik gabeko elkartea da. 1992. urtean sortu zen Gasteizen euskararen erabilera sustatzeko eta euskaldun eta euskaltzaleen komunitatea trinkotzeko asmoarekin. Gaur egun 800 bazkidetik gora ditu eta lan boluntarioa egiten duten pertsonez gain soldatapeko zortzi langile ditu. Batzar Orokorrean aukeratuak diren zortzi kidek osatutako Talde Dinamizatzaile bat arduratzen da elkartearen urteroko ibilbidea landu eta norabidea markatzeaz.
Haizea Galarraga Arrizabalaga
EHU/UPV
Haizea Galarraga irakasle-ikertzaile atxikia da UPV/EHUko Gasteizko Hezkuntza eta Kirol Fakultatean, Didaktika eta Eskola Antolakuntza (DEA) sailean. Unibertsitate mailako irakaskuntzan dihardu 2013tik. Formazioz, Lehen Hezkuntzako irakasle da eta alor ezberdinetan egin ditu graduondoko ikasketak: Hizkuntzalaritza eta Euskal Filologia, Hezkuntza Testuinguru Multikultural eta Eleaniztunetan, eta Haur eta Gazte Literatura, besteak beste. Doktorea da Berrikuntza eta Esku-hartzea Hezkuntzan programaren baitan (2018, Mondragon Unibertsitatea). Egun, hezkuntzaren inguruko gaietan ikertzen du, IkHezi (Ikerketa Hezitzailea) ikertaldeko kide da, CIMIE hezkuntza kongresuko antolatzaile gisa dihardu eta Revista de Psicodidáctica aldizkariko editore taldeko kide ere bada.
Hezkuntza Zientzietan Doktorea, Psikodidaktikan Masterra eta Haur Hezkuntzan Graduatua. Tesiaren izenburua: Adin txikikoen Interneten erabilera-ohiturei eta arriskuei buruzko kasu azterketa bat. Pertzepziotik kontzientzia piztera. Egun, Euskal Herriko Unibertsitateko (UPV/EHUko) Hezkuntza eta Kirol Fakultateko irakaslea, Didaktika eta Eskola Antolakuntza sailean. Informazio eta Komunikazio Teknologiak ikasgaia ematen ohi du eta IKTak eta Konpetentzia Digitalak Hezkuntzan, Etengabeko Formakuntzan eta Hizkuntzen Irakaskuntzan online graduondokoan parte hartzen du. IkHezi (Ikerketa Hezitzailea) (IT 1304-19) Eusko Jaurlaritzako talde kontsolidatuko ikertzailea. Lan-ildo nagusiak: hezkuntza-teknologia, gaitasun digitala, irakasleen prestakuntza, ikaskuntza-zerbitzua eta genero ikuspegia.
Monike Gezuraga Amundarain
UPV/EHU
Hezkuntzan doktorea (2014 – Sari berezia), Pedagogian lizentziaduna (2001) eta Hezkuntza Bereziko Masterra (2003) Deustuko Unibertsitatean. Didaktika eta Eskola Antolakuntza Saileko irakasle agregatua. Irakaskuntza Gizarte Hezkuntzan ematen du. Txilen eta Argentinan hainbat ikerketa-trebakuntza egonaldi egin ditu. Gainera, hainbat berrikuntza proiektutan parte hartu du eta MINECOren I+G+B eta Erasmus + ikerkuntza-proiektu europarretan ere ikertzaile gisa parte hartu du. Horrez gain, Co-IP eta ikertzaile gisa egindako hainbat ikerketetan parte hartu du, Gizarte Hezkuntza gradua eta gizarte erakundeen arteko lankidetzan, titulazioaren Kontseilu/Behatokiaren bitartez. 2017tik KideON ikerketa talde kontsolidatuaren partaide da. Ikerketa-ildo nagusien artean, zaurgarritasun egoeran dauden pertsonen inklusioa, ikasketa – zerbitzua eta unibertsitate kritikoa daude. CNEAIk aitortutako ikerketa-seiurtekoa du. 2018tik 2022ra Bilboko Hezkuntza Fakultateko Praktika eta GrALen dekanordea izan da. GORAKIDE bereizgarriduna, “adimen desgaitasun duten pertsonekiko konpromisoagatik”, ZERBIKAS Fundazioaren partaidea eta Bizkaiko URTXINTXA eskolaren kolaboratzailea.
Ainhoa Gómez Pintado
Elena Lopez de Arana Prado
Ana Luisa López Vélez
UPV/EHU
Ana Luisa López Vélez Euskal Herriko Unibertsitateko (UPV/EHU) Didaktika eta Eskola Antolakuntza Saileko irakasle agregatua da. Irakaskuntza- eta ikerketa-esparrua hezkuntza inklusiboa sustatzearekin lotuta dago, Haur eta Lehen Hezkuntzako eta Bigarren Hezkuntzako etorkizuneko irakasleen prestakuntzaren bidez. Hezkuntzako Philosophy doktorea (PhD) da, School of Education, University of Manchester. Nazioartean, UNESCOk Latinoamerikarako eta Kariberako duen Hezkuntzako Eskualdeko Bulegoko aholkularia izan da hezkuntza inklusiboaren eta hezkuntza-berrikuntzaren arloan. Bere ikerketa-proiektuen artean hezkuntza inklusiboarekin eta Ikaskuntza-Zerbitzuarekin zerikusia dutenak nabarmendu behar dira. UPV/EHUko IkHezi: Ikerketa Hezitzailea (Hezkuntza-ikerketa) ikerketa-taldeko kidea da, Eusko Jaurlaritzako talde finkatua (IT1703-22). Gaur egun, “Inklusioaren Irakaskuntza Partekatua: Kultura, Politika eta Hezkuntza Eraldaketarako Praktikak (CoN-Incluir)” proiektuko ikerketa-taldeko kidea da, eta Zientzia eta Berrikuntza Ministerioaren finantziazioa du.
Nerea Permach Martin
UPV/EHU, Irakasle ikertzailea
Isabel Margarita Ugalde Salas
Maria Teresa Vizcarra Morales
Gorputz Hezkuntzako Lizentziatua eta Hezkuntza Zientzietan Doktore. Eusko Jaurlaritzarako Gorputz Heziketako irakaslea izan da, Bigarren Hezkuntzan, Gasteizko Koldo Mitxelena B.H.I-n. Une honetan, IkHezi GIC18/58, ikerketa talde kontsolidatutako ikerlari nagusia da eta irakasle Musika, Plastika eta Gorputz Adierazpenaren didaktika Sailan, UPV/EHUko Hezkuntza eta Kirol Fakultatean Gasteizen. Bere ikerlanak honako gai hauekin egon dira lotuta: genero ikasketak, eskola kirola, gorputz adierazpena eta dramatizazioa eta ekimen pedagogikoak. Psikodidaktikako doktore programaren arduraduna da. Eta kudeketa dela eta, hainbat postuetan egon da horien artean Lehenego Gasteizko Irakasle eskolako zuzendaria izan zen 6 urtez.
Arkaitz Salazar Maestu
Matrikula prezioak
Aurrez aurre | 2024-05-31 arte | 2024-06-25 arte |
---|---|---|
25,00 EUR | 50,00 EUR | |
- | 71,00 EUR | |
- | 61,00 EUR | |
- | 50,00 EUR | |
- | 61,00 EUR | |
- | 61,00 EUR | |
- | 61,00 EUR | |
- | 61,00 EUR |
Kokalekua
Miramar Jauregia
Mirakontxa pasealekua 48, 20007 Donostia
Gipuzkoa
Miramar Jauregia
Mirakontxa pasealekua 48, 20007 Donostia
Gipuzkoa
Sustainable development goals
2030 Agenda da nazioarteko garapenerako agenda berria. Nazio Batuen Erakundeak onartu zuen 2015eko irailean eta giza garapen jasangarriaren aldeko tresna eraginkorra izan nahi du planeta osoan. Haren zutabe nagusiak dira pobrezia errotik desagerraraztea, zaurgarritasunak eta desberdintasunak urritzea, eta jasangarritasuna bultzatzea. Aukera paregabea eskaintzen du mundua 2030. urtea baino lehen aldatzeko eta pertsona guztien giza eskubideak bermatzeko.
4 - Kalitatezko hezkuntza
Kalitatezko hezkuntza inklusiboa eta ekitatiboa bermatzea eta pertsona guztientzako etengabeko ikaskuntzarako aukerak sustatzea. Gai gakoak: doako irakaskuntza, bidezkoa eta kalitatezkoa, goi mailako prestakuntzarako berdintasunezko sarbidea, garapen jasangarrirako hezkuntza, desgaitasuna duten pertsonentzako hezkuntza instalazio egokiak, ikaskuntza ingurune seguruak, ez-bortitzak, inklusiboak eta eraginkorrak.
Informazio gehiago5 - Genero berdintasuna
Genero berdintasuna lortzea eta emakume eta neska guztiak ahalduntzea. Gai gakoak: diskriminazio eta indarkeria mota guztiak amaitzea, ordaindu gabeko zaintzak eta etxeko lanak aitortzea, erantzukizun partekatua, aukera berdintasuna, parte hartze erabateko eta eraginkorra, ugalketa eskubideak, baliabide ekonomikoetarako eskubide berdintasuna, lurra, beste ondasun batzuk eta jabetza eskuratzea.
Informazio gehiago10 - Desberdintasunak murriztea
Herrialdeetako eta haien arteko desberdintasunak murriztea. Gai gakoak: pertsona guztien inklusio sozial, ekonomiko eta politikoa sustatzea, aukera berdintasuna, zergen, soldaten eta berdintasunerako gizarte babesaren politikak, migrazioa eta migrazio politikak, garapenerako laguntza ofiziala, munduko erakunde eta merkatuak arautzea eta zaintzea.
Informazio gehiago