Zainketen Tokiko Ekosistemak: komunitatea, lurraldea eta berrikuntza
Tokiko Zainketa Ekosistemak proiektu pilotuak dira, tokian tokikoak eta esperimentalak, baina lurralde osorako zaintza eredu berri gisa finkatzeko asmoz sortu dira.
Azalpena
Aldaketa demografikoa eta biztanleriaren zahartzea direla eta, azken urteotan zaintza beharrei erantzutea aurrekaririk gabeko erronka bilakatu da tokiko, probintziako eta erkidegoetako gobernuentzat. Erronka horri erantzuteko, Zaintza HerriLab estrategiaren markoan, Gipuzkoako Foru Aldundia Zainketen Tokiko Ekosistemak izeneko ekimen publiko-komunitario berritzaileak bultzatzen ari da. Zaintza HerriLab Estrategiarekin Gipuzkoako Foru Aldundiak Quality Innovation Award (QIA) 2024 España Saria irabazi du Sektore Publikoko Berrikuntza kategorian eta, nazioartean, bigarren geratu da Quality Innovation Award QIA sarien 18. edizioan. QIAen nazioarteko epaimahaiak 23 ekimen berritzaile saritu ditu mundu mailan aurkeztu diren 557 hautagaitzen artean, eta Gipuzkoako proposamena nabarmendu du, erantzun eraginkorrak, jasangarriak eta gaur egungo gizarte-erronkei egokituak eskaintzeko duen gaitasunagatik.
Tokiko Zainketa Ekosistemak proiektu pilotuak dira, tokian tokikoak eta esperimentalak, baina lurralde osorako zaintza eredu berri gisa finkatzeko asmoz sortu dira. Aktibazio komunitarioa bultzatuz, aktibazio horretaz elikatuz eta informazio eta komunikazio teknologien erabilera sustatuz, lurraldean hainbat zerbitzu mota (osasun zerbitzuak, gizarte zerbitzuak eta zerbitzu soziosanitarioak) eta askotariko eragileren jarduerak lotzeko ahalegina egiten dute, iraupen luzeko zainketa beharrei modu pertsonalizatuan erantzuteko, hauskortasunaren eta prebentzioaren ikuspegitik. Horrenbestez, komunitateak, lurraldeak eta berrikuntzak iraupen luzeko zainketetan duten eginkizunari buruz hausnartzeko gune pribilegiatua dira.
Uda Ikastaro honetan, Zaintza HerriLab estrategiaren markoan eta Gipuzkoako Lurralde Historikoaren baitan garatzen ari diren lurralde, komunitate eta berrikuntza esparruko esperientzia zehatzak erakutsiko dira, Zainketarako Tokiko Ekosistemak bultzatzeko. Tokiko esperientzien aurkezpena, iraupen luzeko zainketen arloan nazioartean ospe handia duten hizlarien gogoetek osatuko dute.
Tokiko Zainketa Ekosistemei eta Zaintza HerriLab estrategiari buruzko informazio gehiago eskuratzeko, jo esteka honetara: www.zaintzaherrilab.eus/eu/
Helburuak
Komunitateak, lurraldeak eta berrikuntzak iraupen luzeko zainketen horniduran duten eginkizunari buruz hausnartzea.
Gipuzkoako Lurralde Historikoan askotariko jarduera eremutan iraupen luzeko zainketen hornidurari modu pertsonalizatuan erantzuteko, komunitatearen, lurraldearen eta berrikuntzaren ikuspegitik garatutako esperientzia berritzaileak erakustea.
Jarduera nori zuzenduta
- Publiko orokorra
- Unibertsitateko ikaslea
- Unibertsitarioak ez diren ikasleak
- Irakasleak
- Profesionalak
Zuzendariak
Matxalen Legarreta Legarreta
UPV/EHU
Matxalen Legarreta Iza Soziologian lizentziatua eta Soziologian Doktorea da Euskal Herriko Unibertsitatean UPV/EHU. Bere lan ildo nagusiak zaintza eta genero desberdintasunak dira. Gai horiei buruzko hainbat argitalpen ditu. Udalekin, elkarteekin eta bestelako tokiko erakundeekin lan egiten du, esku-hartze sozialaren ikuspegitik ebaluazioak eta ikerketak eginez eta bere lan-eremuarekin lotutako hitzaldiak, prestakuntza- eta sentsibilizazio-ikastaroak emanez.
Amaia Altuzarra Artola
UPV ehu
Amaia ALTUZARRA Ekonomia eta Enpresa Zientzietako lizentziatua eta Ekonomia doktorea da Euskal Herriko Unibertsitatean (UPV/EHU). Halaber, Londresko Unibertsitateko London School of Economics-en (Erresuma Batua) Administrazio Publikoko eta Politikako Masterra du. Ikerlari irakasle gisa egon da Massachusetts Unibertsitatean (Amherst), Nevadako Unibertsitatean (Reno) eta Bordeleko Unibertsitatean (Frantzia). Gaur egun, UPV/EHUko Politika Publikoen eta Historia Ekonomikoaren Departamentuko Irakaskuntza Titularra da. Bere ikerketak berrikuntza, lehiakortasuna, genero ekonomia eta politika ebaluazioa bezalako arloetan dihardu, bereziki metodo ekonometrikoen erabileran arreta jarriz. Bere ibilbidean zehar, proiektu europar, estatuko eta eskualdeko hainbat ikerketa-proiektutan parte hartu du, baita enpresekin eta administrazio publikoekin I+Gko ekimen eta kontratuetan ere. Zientzia-artikulu ugari idatzi eta koidatzi ditu aldizkari eragin handikoetan, eta bere ikerketarekin lotutako gaietan irakaskuntza eta hitzaldiak ematen parte hartzen du.
Matrikula prezioak
| Aurrez aurre | 2025-07-09 arte |
|---|---|
| 0 EUR |
Kokalekua
Miramar Jauregia
Mirakontxa pasealekua 48, 20007 Donostia
Gipuzkoa
Miramar Jauregia
Mirakontxa pasealekua 48, 20007 Donostia
Gipuzkoa
Sustainable development goals
2030 Agenda da nazioarteko garapenerako agenda berria. Nazio Batuen Erakundeak onartu zuen 2015eko irailean eta giza garapen jasangarriaren aldeko tresna eraginkorra izan nahi du planeta osoan. Haren zutabe nagusiak dira pobrezia errotik desagerraraztea, zaurgarritasunak eta desberdintasunak urritzea, eta jasangarritasuna bultzatzea. Aukera paregabea eskaintzen du mundua 2030. urtea baino lehen aldatzeko eta pertsona guztien giza eskubideak bermatzeko.
3 - Osasuna eta ongizatea
Bizitza osasuntsua bermatzea eta pertsona guztien ongizatea sustatzea, adin guztietan. Gai gakoak: osasun estaldura unibertsala, sexu eta ugalketa osasuna, trafikoagatik, poluzioagatik eta produktu kimikoengatik istripua izan duten pertsona kopurua txikitzea, amen eta jaioberrien heriotza tasa murriztea, HIESa bezalako epidemien amaiera, hepatitisari eta urak transmititutako gaixotasunei aurre egitea, drogen eta alkoholaren prebentzioa, tabakoaren kontrola.
Informazio gehiago
Beste ikastaro interesgarriak...
-
Aurrez aurrekoa
-
Aurrez aurrekoa
-
Aurrez aurrekoa
-
Aurrez aurrekoa
-
Online zuzenean
-
Aurrez aurrekoa