Aisia, kirola, ehiza eta mendietako jarduerak (basogintza) nola uztartu

Mendietako ingeniaria (UPM 1991) 1991-1995 Basoinsa S.L. 1995-1999 Mendi ingeniaria Gipuzkoako Foru Aldundian 1999-2003 3. Baso Ataleko burua Gopuzkoako Foru Aldundian 2003-2008 Basozaintzako eta Natura Inguruneko Zerbitzuko burua Gopuzkoako Foru Aldundian 2008-2026 Mendiak eta Habiatak Kudeatzeko Zerbitzuko burua Gipuzkoako Foru Aldundian

Leire Arandia Aranburu (1976, Ordizia). Deustuko Unibertsitatean Enpresa Zuzendaritza ikasketak egin ondoren gizarte aurrikuspen eta aholkularitza munduan egin zituen bere lehen lan urteak baino, bere jaioterrian eskualdeko turismoa eta bertako azokaren sustapena erdigunean zituen D´elikatuz Zentroa zuzentzea eskatu ziotenean ez zuen zalantzarik egin. Bere ekintzailetza senak 2008an Erro kooperatiba sortzera eraman zuen eta urte guzti hauetan D´elikatuzeko Zuzendaritza beste zenbait proiekturekin uztartzeko aukera eman dio, hala nola, Idiazabalgo Gaztaren Interpretazio Zentroaren kudeaketa edo GR283 Gaztaren Ibilbidean oinarritutako proiektu turistikoaren garapena. Gaur egun, Gipuzkoako Foru Aldundiko Turismo Mahaiko kide da, turismo gastronomikoan lanean ari diren erakundeen ordezkari gisa.

Hondarribia, 1992ko azaroaren 27a. Gipuzkoako kirolaria da, bike trial modalitatean espezializatua, eta euskal kirolaren erreferenteetako bat. Bere lorpen aipagarrienen artean honako hauek daude: · Europako txapelduna (20 hazbeteko elite mailan) 2018an. · Munduko txapeldunordea 2018an. · Munduko Txapelketetan hainbat domina eskuratu zituen 2016 eta 2019 artean. · Espainiako selekzioarekin munduko txapeldun izan zen taldekako proban. Kirol ibilbideaz gain, Ion Baserritar misto profesionala da, Familiako abeltzaintza lanak (Mugarrieta baserria) bere eguneroko empresa pribatu bateko jardunarekin uztartzen ditu, lehen sektorearen dibulgatzaile ere bihurtu da. Sare sozialen bidez baserriko egunerokoa eta haragi ekoizpenaren inguruko lana erakusten ditu, lehen sektorearen errealitatea gizartera hurbilduz.

Gipuzkoako Foru Aldundiko Nekazaritzako eta Lurralde Orekako zuzendaria.

Bidezidor sareen plangintzan, diseinuan eta kudeaketan aditua, erabilera publikoko ibilbideen diseinuan, homologazioan, seinaleztapenean eta balioan jartzean esperientzia zabala du. Gipuzkoako Mendizale Federazioaren ordezkari teknikari gisa, bidezidor sareak sortu, hobetu eta antolatzeko proiektuetan parte hartzen du aktiboki, irizpide teknikoak, ingurumenekoak eta lurralde-antolamendukoak uztartuz, haien funtzionaltasuna, segurtasuna eta jasangarritasuna bermatzeko. Administrazio publikoekin eta mendiaren arloko erakundeekin lankidetzan jarduten du, homologatutako bidezidorren araudia eta kalitate-estandarrak aplikatuz. Bere jardunaren

Iker Karrera Aranburu (Amezketa, Gipuzkoa, 1974ko irailaren 18a) euskal mendi lasterkari bat da. Ultra-trail lasterketa motan espezializatua dago. 2013an Tor des Géants mendi lasterketa irabazi zuen. Baserriko semea da. Baserrian lan asko egitea tokatu izan zaio eta bere ogibidea dela medio, baserritarren artean mugitzen denez (Tolosaldeko Mendi Nekazaritza Elkarteko gerentea da).

Bizkaiko foru aldundiko teknikaria. Arantzazu Martiarena Iraola baso eta natura inguruneko ingeniaria da. Gaur egun, Bizkaiko Foru Aldundiko Mendi Zerbitzuan egiten du lan. Bere ibilbide profesionalean, HAZI Fundazioan egurraren balio-katearekin eta baso-sektorearen berrikuntzarekin lotutako proiektuetan jardun du. Besteak beste, baso-sektorean exoeskeletoen erabilera aztertzeko proiektua koordinatu du, Euskadiko pinudietan erretxinaren ekoizpenari buruzko azterlanetan parte hartu du, baso-produktuentzako merkatu eta balio-bide berriak sustatzeko ekimenetan lan egin du, eta PEFC eta FSC baso-ziurtagirien arloko aholkularitza teknikoa eskaini du. Aurretik, Basoneurri enpresan aritu zen basoko tasazioak, txosten teknikoak, baso-kudeaketako planak, baso eta nekazaritza arloko balorazioak nahiz proiektu silbopastoralak garatzen. Bere ibilbide profesionalean baso-kudeaketa, bioekonomia, egurraren balio-katea eta baso-sektorearen berrikuntzarekin lotutako proiektuetan espezializatu da, ikuspegi teknikoa eta praktikoa uztartuz.

Basotik fundazioan egiten dut lana, baso teknikari bezala. Partzelak bisitatu eta hauen diagnostikoak egitea da nire egunerokotasuna. Baso jabeekin ere kontaktu zuzena daukat, diagnostikoa egin eta gero, partzela ezberdinetako gure proposamena zein den azaltzea. Mendian korrika egitea nire afizio nagusia da.

Garikoitz Nazabal Gipuzkoako nekazaritza-sektorearekin lotutako pertsona ezaguna da, abeltzaina da. EHNE nekazarien sindikatuko kidea eta Gipuzkoako presidentea da, eta hainbat aldiz agertu da lehen sektorearen egoera, abeltzaintza eta elikadura-politiken inguruan hitz egiten.

Euskal Herriko Unibertsitatean Biologia Zientzietan doktorea da. Gaur egun, Eusko Jaurlaritzako Nekazaritza Sailaren menpeko HAZI Fundazioaren Natura Ingurunearen Arloan egiten du lan. Bere ibilbide profesionalaren zati handi bat Euskal Autonomia Erkidegoko natura-gune babestuen kontserbaziorako kudeaketan eta plangintzan eman du. Horrez gain, landarediari buruzko azterlanetan, lurralde-antolamenduan eta Nekazaritza Politika Bateraturako (NPB) nekazaritza- eta ingurumen-neurrien definizioan jardun du. 2026-2022 aldian garatutako LIFE OREKA MENDIAN proiektuaren koordinatzailea izan zen. Proiektu horrek Natura 2000 Europako saria jaso zuen. Halaber, berriki amaitu den RURALTXA proiektua ere koordinatu du. Bi proiektuak mendiko larreen erabilera estentsiboaren mantentzea sustatzera bideratu dira, abeltzaintza estentsiboa larre horien kontserbaziorako funtsezko tresna gisa ulertuta.

Rodrigo Vilar Aranda. Marketin digitaleko aholkularia, sare sozialen estrategian, komunikazio digitalean, edukien plangintzan eta enpresetan aplikatutako IAn espezializatua. Vilar Aholkularitza Digitalaren sortzailea, 10 urte baino gehiagoko esperientziarekin. EAJ-PNVko zinegotzia Ibarran 2019tik. Aurretik BBVAn eta G for Good Londonen aritua. ADEko lizentziaduna UPV/EHUn eta digitalizazioan eta IAn MBA.

Lleidako unibertsitatean Mendi ingeniaria da. Gaur egun Gipuzkoako Foru Aldundiko Lurralde Oreka Berdeko Mendiak eta Habitatak Kudeatzeko Zerbitzuko Erabilera Publikoko eta Azpiegitura Zerbitzuetako Teknikaria da. Egindako, eta basoekin zerikusia duten, lanen artean Catalunyan suteen bigilantzia plan bat (Diputació de Bacerlona) eta suteen aurkako prebentzioa (Generalitat de Catalunya) egon dira. Araban, berriz, kudeaketa planen idazketan (IKT) parte hartu du. Eta Gipuzkoan papelera bat egurrez hornitzen zuen enpresa batean (Eguranga) lan egin du. Azken urteetan, Gipuzkoako Foru Aldundiaren baitan, Aralar Natura Parkearen kudeaketa eta Gipuzkoako Natura Parkeetako erabilera publikoa (Parketxeak, aisialekuak, ibilbideak, etab.) jorratu ditu beste hainbat gairen artean.

Jon Zubizarreta Aldaia (1977-04-10), Abaltzisketarra. Larraitz-ko taberna bateko semea, mendian gertatzen denaren ohiartzuna lehendabizi iristen den auzokoa. Galdutako betaurreko, arropa, bastoi eta horrelakoak, ganaduren bat zaurituta baldin badago edo mendi lasterketaren bat baldin badago, apustuak eta abisuak bertako tabernetan egiten dira. Mendizalea eta abeltzaina. 30 urte baino gehiago Abaltzisketa eta Enirio-Aralarko larreetara ganadua (behi, behor, ardi eta ahuntz) igotzen dudala. Azken 5 Legealditan Udal ordezkari Abaltzisketan.