Emakumeentzako lidergoa eta ahalduntzea kirolean

Uda Ikastaro honek kirol kudeaketan eta entrenamenduen gidaritzan diharduten emakumeen lidergoa eta ahalduntzea indartzeko helburua du. 80 parte-hartzaileri zuzendua dago, aurrez aurre nahiz online, eta prestakuntza integrala eta praktikoa eskaintzen du, Tximist Fundazioko presidenteak gidatuta; erakunde horrek urteak daramatza kirolean emakumeen lidergoa sustatzen. 

Gidaritzarako eta kudeaketarako tresnak eskaintzen ez ezik, emakumeok kirolean aldaketa eragile gisa duten eginkizunean ere jartzen du arreta ikastaroak, norbanakoaren ingurunean aniztasun eta inklusio handiagoa sustatuz. Gainera, kirolean lider diren emakumeen sare profesional bat sortuko da, kirolaren eremuan genero berdintasuna zabaltzeko.

Metodologia

"Learning by Doing & Connective Leadership" metodologia berritzailea baliatuko da.

Ikastaroak ondorengo egitura izango du:

1. Irekiera eta hasierako konexioa: Inspiratzen duten ahotsak. Aurkezpen dinamika eta kirolean lider diren emakumeen hitzaldi inspiratzailea izango ditu, hasieratik konfiantzazko eta partekatzeko giroa sortzeko.
2. Bloke interaktiboak eta tailer praktikoak. Emakumeen lidergoari eta ahalduntzeari buruzko kasu praktikoei irtenbidea emango zaie taldeka; role-playing-a eta simulazioak baliatuko dira. Horrela, lidergo gaitasunak garatu nahi dira, esperientzia zuzenen bitartez.
3. Micro-mentoretza eta feedback pertsonalizatua. Feedback konstruktiboa oinarri izango duten mentoretza saioak gauzatuko dira parte-hartzaileen artean, benetakoa eta norbanakoarena den lidergoa garatzeko.
4. Elkarrekin sortzeko espazioak eta networking-a. Speed Networking delakoa baliatuko da, eta emakumeen kirolaren arloan lankidetzako proiektuen ko-kreazioari tartea emango zaio. Modu honetara, emakumeen kirolean sare aktibo bat sortu nahi da.
5. Itxiera: Ekintzarekin konpromisoa. Konpromiso pertsonalaren garrantzia azpimarratuko da, eta ikastaroaren osteko jarraipenarena, ikasitakoa ingurune profesionalean aplikatzen dela bermatzeko.