Enplegu eta gizarteratze-politiken ebaluazioaren instituzionalizazioa: ereduak, ikaskuntzak eta aplikazioak

Urr. 29 - 29. Urr, 2026 Kod. G51-26

All events

PDFa eskuratu

Azalpena

Jardunaldia Euskal Herriko Unibertsitateak (EHU) antolatu du Besaldiren laguntzarekin (enplegu eta gizarteratze-politikak ebaluatzeko organo publiko eta independentea). Ekimen hau bi erakundeen arteko lankidetza-prozesuaren markoan kokatzen da, politika hauen ebaluazioan aurrera egiteko sinergiak eta elkarguneak sortzeko helburuarekin.

Workshop-ak jarraipena ematen dio pasaden jardunaldian sortutako hausnarketarako eta topaketarako espazioari, ebaluazioaren esparruan egun dauden erronketan sakonduz. Edizio honetan, fokua ebaluazioa erakundetzeko prozesuetan kokatzen da bereziki: gaitasun egonkorrak, metodologia partekatuak eta praktika erabilgarriak nola eraiki ahal diren hausnartuz; irakaspen kolektibotik, ebidentziatik eta partaidetzatik politika publikoak indartzea ahalbidetuko dutenak.

Jardunaldiak unibertsitatearen, administrazio publikoen, erakunde sozialen, profesionalen eta orokorrean gizarteratze- eta enplegu-politiken hobekuntzan interesa duten pertsona ororen arteko elkarrizketa bultzatzea bilatzen du. Ebaluazioa erreminta tekniko bat baino gehiago dela ulertzetik abiatzen da; ebaluazioa jakintza, esperientzia eta interbentzio publikoa ulertzeko modu ezberdinen elkargunea da ere.

Jardunaldian zehar hiru dimentsio osagarri jorratuko dira. Lehenik, ebaluazioaren instituzionalizazioari lotutako erronkei eta aukerei buruzko gogoeta egingo da, antolaketa-eraldaketei eta ebaluazio-kultura partekatua eraikitzeari erreparatuta. Bigarrenik, politika publikoak ebaluatzeko hainbat ikuspegi metodologiko eta lan-ildo aurkeztuko dira, gaur egun alor horretan dauden dilema eta tentsioei arreta eskainiz. Azkenik, EHUk enplegu- eta gizarteratze-politikekin lotutako antolakundeekin lankidetzan garatutako esperientzia zehatzak partekatuko dira, praktikaren bidez lortutako irakaspenetan arreta jarriz.

Aurreko edizioari jarraiki, jardunaldiak hitzaldi- eta elkarrizketa-espazioak dinamika parte-hartzaileekin konbinatuko ditu, elkartrukea eta hausnarketa bultzatzeko. Edukiak partekatzeaz haratago, workshoparen helburua enplegu- eta gizarteratze-politiken ebaluazioan inplikatuta dauden pertsonen eta erakundeen arteko harremanetarako, kontrasterako eta komunitatea sortzeko espazio gisa sendotzea da.

Workshop hau unibertsitate-eremuko pertsonei, administrazio publikoetako arduradun eta profesionalei, gizarte-erakundeei, teknikariei, ikertzaileei eta gizarteratze eta enplegu-politiken garapenean eta ebaluazioan interesa duten guztiei zuzenduta dago.

Irakurri gehiago

Helburuak

Euskadin enplegu eta inklusio-politiken ebaluazioa instituzionalizatzeko erronkei eta aukerei buruz hausnartzea, erakunde publikoen barruan gaitasun, baliabide eta jardunbide egonkorrak sortzeari arreta berezia jartzen.
Ebaluazio-ikuspegi, metodologia eta esperientzia desberdinak partekatzea eta alderatzea, enplegu eta inklusio-politiken arloan dituzten aukerak, mugak eta ikaskuntzak partekatuz.
Unibertsitatearen, administrazio publikoen, gizarte-erakundeen eta profesionalen artean ezagutzak eta esperientziak trukatzen laguntzea, ebaluazioari lotutako profilen eta jakintzen arteko elkarrizketa-gune bat sortuz.
Ikaskuntzak eta lankidetza-ildo posibleak identifikatzea ebaluazio-praktikak sendotzeko, ikaskuntzara, politika publikoen hobekuntzara eta parte-hartzera bideratutako ebaluazio-kulturari lagunduz.

Irakurri gehiago

Jarduera nori zuzenduta

Publiko orokorra
Unibertsitateko ikaslea
Unibertsitarioak ez diren ikasleak
Irakasleak
Profesionalak

Antolakuntza

Lankidetza

Zuzendariak

Elena Martínez Tola

UPV/EHU

Ekonomian lizentziaduna eta doktorea da UPV/EHUn. Gaur egun, Euskal Herriko Unibertsitateko irakasle agregatua da, eta Bizkaiko Campusean irakasten du. Bere irakaskuntza-jarduera Ekonomia eta Enpresa Fakultatean oinarritzen da, Ekonomia Graduan, non Lurralde Antolaketa eta Plangintza eta Eskualde Ekonomia irakasgaiak ematen dituen. Era berean, master eskolak ematen ditu Munduko Sistema Ekonomikoaren Egitura eta Dinamikak eta Eskualde eta Hiri Politikak irakasgaietan. Bere argitalpenetan lan-merkatua eta generoa, hiri-ekonomia eta nazioarteko harremanak lantzen ditu batez ere.

Mikel Jiménez Iruretagoyena

UPV/EHU

Politika Publiko eta Historia Ekonomikoaren Saileko irakasle interinoa da. Politika publikoen ebaluazioan prestakuntza espezializatua du (Ebaluazioko Masterra Universidad Complutense de Madrid-tik) eta Garapenari buruzko Ikasketetan doktoretza egiten ari da. Bere tesiak hiri-gentrifikazio prozesuak aztertzen ditu ebaluazio-ikuspegi batetik. Bere esperientzia landa-lana, analisi instituzionala eta ebaluazio esparruen diseinuan oinarritzen da.

Hizlariak

José Belis

Carla Cordoncillo Acosta

Oscar Molina

Oscar Molina es profesor asociado en el Departamento de Sociología de la Universitat Autònoma de Barcelona (UAB), investigador del Centro de Estudios Sociológicos sobre la Vida Cotidiana y el Trabajo (QUIT) y director del Instituto de Estudios del Trabajo (IET) de la UAB. Es licenciado en Economía por la Universidad Pompeu Fabra y doctor en Ciencias Políticas y Sociales por el Instituto Universitario Europeo (IUE) de Florencia. Antes de incorporarse a la UAB, fue investigador posdoctoral para el gobierno irlandés en el Grupo de Relaciones Industriales y Recursos Humanos del University College Dublin (2005-2007) e investigador junior ICREA en el QUIT. Su investigación se centra en el análisis comparado de las relaciones industriales y la negociación colectiva, políticas de empleo, los mercados laborales y la economía política comparada, con especial atención al capitalismo mediterráneo. Recientemente, su investigación se ha centrado en el impacto de la expansión de la IA en las relaciones laborales y coordina el proyecto TRANSVEC sobre la transición justa en el sector del vehículo eléctrico. Ha sido colaborador externo para la OIT y la Comisión Europea y coordina la corresponsalía de Eurofound en España.