Gure lurraldean eta ikerketatik generoaren osasuna zaintzen. Zientzia musikatua

Erizaintzan eta Psikologian graduatua, adikzioetan espezializatua. Osasun mentaleko hainbat arlotan esperientzia klinikoa du, bai Kataluniako Osasun Zerbitzuan (drogomenpekotasunean kalteak murrizteko programetan) bai Euskadin. 2018tik unibertsitateko irakaslea da Erizaintzako Graduan, eta gaur egun irakasle eta ikertzaile lanetan dihardu Deustuko Unibertsitatean. Bere ikerketa ildo nagusia psikofarmakoen kontsumoa eta generoaren arteko harremana da. Gaur egun, doktoretza egiten ari da.

Erizaintzan eta Psikologian graduatua, adikzioetan espezializatua. Osasun mentaleko hainbat arlotan esperientzia klinikoa du, bai Kataluniako Osasun Zerbitzuan (drogomenpekotasunean kalteak murrizteko programetan) bai Euskadin. 2018tik unibertsitateko irakaslea da Erizaintzako Graduan, eta gaur egun irakasle eta ikertzaile lanetan dihardu Deustuko Unibertsitatean. Bere ikerketa ildo nagusia psikofarmakoen kontsumoa eta generoaren arteko harremana da. Gaur egun, doktoretza egiten ari da.

Ainitze Labaka Etxeberria, Erizaintzan graduatua eta Psikologian doktorea. UPV/EHUko Erizaintza II saileko irakaslea, Psikobiologia eta BANER (Basque Nurse Education Research Group) ikertaldeetako kidea. Eusko Jaurlaritza eta Ekonomia Ministerioak finantzatutako proiektutan parte hartu du, zenbait patologiatan ematen diren ezberdintasun biologiko sexualak aztertuz. Ikerketetan aurkitutako isuri androzentrikoak eta bere erizain jardueran antzemandako genero isuriak kurtso hau proposatzera eraman dute. Genero ikuspuntua barne hartzen duten master amaierako lanentzako laguntza jaso zuen (2014) eta hainbat artikulu zientifiko argitaratu ditu maila internazionalean, baita euskarazko dibulgazio artikuluak ere.

Jarduera Fisikoaren eta Kirolaren Zientzietan graduatua da Garbiñe Lozano Real. Jarduera Fisikoaren eta Kirolaren Zientzietako Unibertsitate Masterra egin ondoren, ikertzaile gisa menopausia duten eta menopausia ez duten emakumeen arrisku kardiobaskularrean dagoen aldea aztertzen hasi zen. Hainbat urte eman ditu Euskal Herriko Unibertsitatean ikertzaile gisa lanean, ariketa fisikoarekin eta zahartze osasuntsuarekin lotutako hainbat proiektutan. LGTBIQ+ kolektiboarekin lotutako proiektuetan parte hartu du metodologia kualitatiboa landuz. Gaur egun, Deustu unibertsitateko irakasle eta ikertzailea da, eta doktoretza prozesuan jarduten du bularreko minbizia eta mastektomia duten emakumeen erabakitze prozesuaren inguruan.

Euskal Herriko goi-mailako musika ikastegian burutu zituen interpretazio ikasketak gitarra espezialitatean. Jose de Azpiazu musikagileari buruzko ikerketarengatik karrera amaierako ohorezko aipamena jaso zuen. 2014an Musikologia Kulturaleko master ikasketak egin zituen Georg-August-Universität-ean (Göttingen, Alemania). 2016an, berriz, Grezian izan zen TEI Epirus-eko Herri-musikarako departamentuan, Erasmus programaren baitan. Gaur egun Soinuenea Herri Musikaren Txokoan ari da lanean eta Oiartzungo bertsolarien kantaeraren bilakaerari buruzko ikerketan dabil. Aipatu ikerketaren proiektuak Mikel Laboa Katedrak eta Mintzola Ahozko Lantegiak urtero plazaratzen dituzten sarietako bat jaso zuen iaz.

Erizaintzan graduatua (2013), Euskal Herriko Unibertsitatean (UPV/EHU). Erizain gisa lan egin zuen Villa Sacramento zaharren egoitzan, 2013tik 2017ra. 2017an, Eusko Jaurlaritzan hasi zen lanean, erizain gisa; hasieran, Arabako Osasun Saileko Lurralde Ordezkaritzan, osasun-prestazioen sailean eta 2019tik, Gipuzkoako Osasun Saileko Lurralde Ordezkaritzan diardu. Lehen bost urteetan, Irungo Ikuskaritza Medikoan, eta 2024ko otsailaz geroztik, Gipuzkoako Osasun Publikoaren eta Adikzioen Zuzendariordetzako epidemiologia-unitatean. Era berean, 2022tik Erizaintza II (UPV/EHU) Saileko irakasle elkartua da. Urte hauetan zehar, Osasun Publikoko Masterra egin du Nafarroako Unibertsitate Publikoan (2015) eta Lan Arriskuen Prebentzioko Masterra Errioxako Nazioarteko Unibertsitatean (2019). 2023an Erizaintzako doktoretza-ikasketak hasi zituen UPV/EHUn.