Kontzientzia-eragozpenetik bake-hezkuntzara

Zientzia Politikoak eta Administrazio publikoan graduatua EHUun. Euskadiko Gazteriaren Kontseiluko (EGK) presidentea 2023ko martxoaren 25tik. Euskadiko Gazteriaren Kontseiluan lantalde teknikoa eta Batzorde Iraunkorra koordinatzailea. Bestalde EGKren aurpegia da eta euskal gazteriaren etan institutionen arteko zubi lanak bermantzen dituen pertsona

Nazioarteko Harremanetan graduatu zen Deustuko Unibertsitatean, eta gaur egun Nazioarteko Politikako master bat egiten ari da KU Leuvenen (Belgika). Bere ibilbide akademikoa giza eskubideen, gatazka osteko gizarteen eta memoria-politiken azterketan oinarritzen da, eta interes berezia du kultura-ondarean. Deustuko Unibertsitateko UNESCO Katedran praktikak egin ditu eta Etikasi bezalako hezkuntza proiektuetan parte hartu du, non Euskal Herria eta Ipar Irlanda bezalako testuinguruak bertatik bertara ezagutu ahal izan dituen. Haren gradu amaierako lanak lurralde horietako adiskidetzearen erronkari heltzen dio, ikuspegi kritiko batetik. Gainera, gizarte-boluntariotzako ekimenetan parte hartu du, eta "Cuando el odio no es suficiente" liburuaren egilea da. UNESCOrekin lotutako argitalpenetan ere lagundu du, kultura- eta hezkuntza-politiken esparruan.

Ainhoa Azkarate Iriondo giza eskubideetan, memorian eta bakearen kulturan ikertzaile eta bideratzaile espezializatua da. Baketik-en egiten du lan, eta giza eskubideen urraketei eta bakea eta bizikidetza eraikitzeko prozesuei buruzko ikerketetan eta tokiko txostenetan parte hartzen du, arreta berezia jarriz motibazio politikoko indarkeriari. Filosofian, Politikan eta Ekonomian graduatu zen, eta Gatazkak Konpontzeko eta Gobernantzako Masterra egin zuen. Memoria prozesuekiko lotura 2019an hasi zuen, Etikasi programaren lehen edizioan, Ipar Irlandan, eta esperientzia horrek giza eskubideekiko konpromisoa sendotu zuen. Europako proiektuetan eta nazioarteko elkarrizketa-guneetan parte hartu du, ACNUDH eta OSCE bezalako erakundeekin harremanak barne. Bere lana indarkeriarik gabeko elkarrizketa-prozesuak, memoriaren pedagogia eta balio demokratikoen transmisioa erraztea da. Ainhoak ikerketa teknikoa eta taldeen laguntza uztartzen ditu, biktimen aitortza eta giza eskubideekiko errespetu osoan oinarritutako bizikidetza sustatuz.

Aitziber Blanco Goikoetxea. Zuzenbidean lizentziatua. Guatemalan itzulitako komunitateei laguntzeko esperientzia lau urtez. Elkarri eta Lokarri gizarte-mugimenduetan bakearen, giza eskubideen eta elkarrizketaren aldeko aktibista izan zen, eta antolaketa-lanak egin zituen, kanpainak koordinatu zituen eta elkarrizketa konplexuak erraztu zituen. Prestakuntza egiaztatua psikodraman eta prestakuntza osagarriak indarkeriarik gabeko komunikazioan eta zirkulu leheneratzaileetan. Azken 16 urteetan, elkarrizketarako espazioak eskaintzen ditu, eta hainbat euskal udalerritako bizikidetza-prozesuetan laguntzen du. Argitalpenak “Bidelagun. Acompañamiento a procesos de diálogo en Euskal Herria. Algunos aprendizajes y un camino por recorrer. Publicado por el ICIP 2024

María Isabel Cañada Zorrillak prestakuntza osagarri zabala du taldeak bideratzearekin, hezkuntza esperimentalarekin eta prozesu komunitarioekin lotuta. Bi urteko Hezkuntza Esperimentaleko gaueko ikastaroa, indarkeriarik gabeko komunikazioari buruzko prestakuntza eta indarkeriarik gabeko ekintzarako entrenamendua egin zituen, besteak beste. Nazioarteko hainbat komunitatetan ere trebatu zen, hala nola Findhorn Foundationen, non garapen pertsonaleko korronte berrietan sakondu zuen eta prestakuntza pertsonaleko eta erraztasuneko ikastaro ugari osatu zituen. Gainera, IIFAC errazteko ikastaro bat egin du, soziokraziari buruzko prestakuntza eta prozesuak lantzeko urte oso bat. 50 urteko esperientzia du komunitate-bizitzan, eta horietatik 46 Lakaben garatu ditu. Lau lagunen ama da. 2004. urteaz geroztik, ikastaroak eta tailerrak ematen ditu, eta, horrez gain, gizarte-taldeei beren antolaketa- eta komunitate-prozesuetan diagnostikoak egiteko eta laguntza emateko lanak garatzen ditu. Bere ibilbidean zehar, 100 talde, komunitate, elkarte eta antolaketa-testuingururi baino gehiagori lagundu die.

Filosofian graduatu zen Euskal Herriko Unibertsitatean, eta Madrilgo Unibertsitate Konplutentsean Etika Aplikatuko Masterra egin zuen. Bere ibilbide akademikoa hausnarketa etikora, giza eskubideetara eta aniztasunaren kudeaketara bideratu da. Eusko Jaurlaritzaren ETIKASI programan parte hartu zuen, motibazio politikoko indarkeriari lotutako biktimekin eta aktibistekin topaketetan, eztabaidetan eta elkarrizketa-guneetan parte hartuz. Era berean, nazioarteko prestakuntza zabaldu du Chiang Mai Unibertsitatean (Thailandia), non Budismoaren Psikologiako, Ekialdeko Pentsamenduko eta Thailandiako Kulturako ikasketak egin zituen, giza jokabideari buruzko kulturarteko ikuspegietan sakonduz. Gainera, Madrilgo Unibertsitate Konplutentseko gatazka armatuei eta krisi humanitarioei buruzko ikerketa proiektu batean parte hartu zuen, segurtasun multidimentsionalaren erronketan oinarrituta. Gaur egun, Euskadiko Gazteriaren Kontseiluko bake- eta bizikidetza-teknikariaren lanpostua betetzen du, eta bizikidetzan, etikan eta bake-kulturan hezteko programak diseinatzen, koordinatzen eta dinamizatzen dihardu. Etengabe ikasten jarraitzeak eta gizartearen eta hezkuntzaren arloko erronka profesional berriei aurre egiteak motibatzen du.

Markel de Bilbaok Zuzenbidea eta Nazioarteko Harremanak ikasi zituen Deustuko Unibertsitatean, eta, ondoren, Nazioarteko Kazetaritzako masterra egin zuen Ramon Llull Unibertsitatean, Bartzelonan. Bost urtez scout talde bateko begiralea izan da, eta 2023an ETIKASI Giza Eskubideen programan parte hartu zuen. Gaur egun, GARA/NAIZen egiten du lan, “Mundua” ataleko erredaktore gisa.

Soziologian graduatua, urteak daraman hedabideetan lanean eta kolaboratzen feminismoarekin lotura duten gaiak ardatz hartuta. Berria FM podcasteko ahotsa eta koordinatzailea izan da, euskaraz egindako era horretako lehenengoa. Proiektu horrekin Euskal Kazetaritzaren 2022ko saria jaso zuen narratiba berrien kategorian. Klitto Atari Digitaleko koordinazioan ere aritu zen, femnismoarekin lotutako gaiak solik lantzen zituen euskarazko lehenengo agerkari digitala. Hainbat urtez Berria egunkarian aritu da lanean eta Pikara Magazine gisakoetan ere kolaboraten du. Ikerlari gisa, Ikasketa Feministen eta Generokoen masterra egin zuen EHU/UPVn antropologia feministan espeizalizatuz, eta orain izen bera duen doktore programan ari da lanean Eusko Jaurlaritzako doktoreaurreko laguntza bati esker, AFIT antropologia feminista ikerketa taldean.

Aitana Jáñez Pedrayes gazte profesionala da giza eskubideen eta bakearen eraikuntzaren arloan. Nazioarteko Harremanetan graduatu zen Deustuko Unibertsitatean, eta, Etikasi programan aritu ondoren, Granadako Unibertsitateko Bake, Gatazka, Hezkuntza eta Giza Eskubideen Kulturako Masterrera bideratu zuen espezializazio akademikoa. Bertan, indarkeriaren historia hurbila Euskadiko belaunaldi berriei transmititzea eta egungo bake eta bizikidetza eragile gisa duen ahalmena ikertu zuen. Amnesty Internationalen bekadun eta aktibista gisa hasi zenetik NBEren Giza Eskubideen Bulegoan (ACNUDH) Genevan izandako esperientziara arte, Aitanak haurtzaroaren eta gaztaroaren eskubideak defendatu ditu, haien ahotsak entzun ez ezik, benetan kontuan har daitezen. Gaur egun, haurrek Haurren Plataforman parte hartzeko teknikari gisa garatzen du lan hori, haurrek eta nerabeek estatuan bizitza publikoan aktiboki parte hartzeko duten eskubidea bultzatuz. Bakerako hezkuntzaren eta globalaren eta tokikoaren arteko zubiak eraikitzearen aldekoa, Euskadiko memoria- eta bizikidetza-proiektuei aktiboki lotuta jarraitzen du, betiere ikuspegi feminista eta intersekzionaletik eta herritarren parte-hartzera bideratuta, gizartea eraldatzeko motor gisa.

1982ko ekainaren 26an Errenterian ETAk egindako atentatu batetik bizirik atera zen, 10 urte zituela, eta egoera kritikoan utzi zuen. Atentatu horren ondorioz, ezkerreko hanka moztu, begi-globoa lehertu, bi tinpanoak zulatu eta gorputz osoan metrailaz irekitako hainbat zauri jasan zituen. Bizikidetzarekin, memoriarekin eta giza eskubideekin lotutako hainbat programatan parte hartu du, hala nola ADIA-ADIAN (Biktimak Ikasgeletan), ETIKASI (Bakea eta Bizikidetza), hezkuntza-programak, justizia leheneratzaileko programak, bai eta hitzaldi eta mahai-inguruetan ere.

Iñaki Otamendi (Andoain, Gipuzkoa 1971) Institutu garaian Kakitzat taldearen baitan mugimendu antimilitaristaristan parte hartzen hasi zen eta Derrigorrezko Soldaduskaren deiari uko eginez intsumiso bilakatu zen. Gizarte Laneko ikasketak egin zituen Nafarroako Unibertsitate Publikoan. 1993 urtean Euskadiko Gazteriaren Kontseiluko ekimen baten baitan bolondres egon zen hilabetez Balkanetako gerratik ihes egin behar izan zuten kroaziako errefuxiatuen esparru batean haur eta gazteekin lanean. Euskadiko Gazteriaren Kontseiluko teknikari izan zen objezio/intsumisioari buruzko informazio bulegoan. Udal langilea izan da Gazteria, Partaidetza eta Kultura zerbitzuetan. 2001urtetik indarkeria-eza aktiboa sustatzen zuen Bidea Helburu taldeko kide izan zen (beste ekintzen artean ‘Ziztadak’ dokumentala egin zuten Bartzelonako Fora de Quadre zinemagileekin). Bake-Ekintza Antimilitarista eta Bake-ikerketetarako Centré Delas elkarteetan parte hartzen du.

Zuzenbidean lizentziatua eta Giza Eskubide, Demokrazia eta Globalizazioan Masterra. Bakean, bitartekaritzan eta elkarrizketa-prozesuetan zentratutako ibilbidea du; Lokarri Bakearen eta Elkarrizketaren aldeko Herritarren Sareko koordinatzailea izan zen (2006- 2015). Testuinguru horretan, 2011ko Aieteko Nazioarteko Bake Konferentziaren antolaketa gidatu zuen. Kofi Annanen parte-hartzearekin, konferentzia hura mugarria izan zen ETAren indarkeriaren amaierarako. Etapa hori amaitu ondoren, bere jarduera profesionala Jasangarritasuneko eta Enpresen Erantzukizun Sozialeko (EES) aholkularitza estrategikoan zentratu du, gizarte-eragina eta giza eskubideak erakundeetan txertatuz. Osagarri gisa, nazioarteko bake-prozesuetan aholkulari lanetan dihardu, Hego Amerikan (Kolonbiako prozesuaren babesean) edo Ekialde Hurbilean bitartekaritzan duen esperientzia eskainiz. Arlo pertsonalean, Galiziako Portapaz saria eta Getxoko Balioak Saria jaso ditu. Halaber, bere zuzendaritzapean, Lokarrik Gernikako Bakearen Saria, Atzerriko Korrespontsalen Elkartearen saria eta Kataluniako Bakearen Saria jaso zituen. Ohiko kolaboratzailea da komunikabideetan eta gatazken konponbideari zein gobernantzari buruzko foro akademikoetan.

Zientzia Politikoak eta Administrazio publikoan graduatua EHUun. Euskadiko Gazteriaren Kontseiluko (EGK) presidentea 2023ko martxoaren 25tik. Euskadiko Gazteriaren Kontseiluan lantalde teknikoa eta Batzorde Iraunkorra koordinatzailea. Bestalde EGKren aurpegia da eta euskal gazteriaren etan institutionen arteko zubi lanak bermantzen dituen pertsona