Elkarrekin ikertu eta ikasi

Arte Ederretan lizentziaduna, Hezkuntza Zientzietan doktorea da, pedagogia sailean (2009), Euskal Herriko Unibertsitatean, UPV/EHUn. Donostiako Hezkuntza, Filosofia eta Antropologia Fakultateko unibertsitateko irakasle titularra eta ikertzailea 1995etik. Bere ikerketa- eta irakaskuntza-ibilbidea, batez ere, irakasleen prestakuntzari, pedagogia-berrikuntzari eta hezkuntza-testuinguruetako ikusizko arteen bidezko ikerketari eta ikaskuntzari lotuta dago. ELKARRIKERTUZ (IT1582-22) ikerketa-talde kontsolidatuaren koordinatzailea da, eta 2000. urtetik hainbat ikerketa-proiektutan parte hartzen du ikertzaile gisa. GIZARTE sareko kide ere bada, Unesco Etxeko Eraldaketa Sozialerako Hezkuntza Artistikorako Euskal Sareko kide, eta "Adierazpen Artistikoa unibertsitatearen eta eskolaren arteko harremanetik birpentsatu" proiektuko koordinatzaile nagusia (EHU15/24), ARTikertuz akronimoarekin (artikertuz.es). Prozesu artistikoetatik abiatuta ikertzea interesatzen zaio, prozesu horietatik abiatuta errealitatea hainbat ikuspegitatik aztertzeko eta hezkuntza hobetzeko.

Pedagogian Lizentziatua eta Lehen Hezkuntzan Diplomatua (UPV-EHU). Hezkuntza, Filosofia eta Antropologia Fakultateko irakaslea Didaktika Orokorra irakasgaian Lehen Hezkuntzako Graduan eta Derrigorrezkoa Bigarren Hezkuntzako masterrean ere.. Extremadurako Unibertsitateak eskaintzen duen Hezkuntza Digitaleko Masterrean irakaslea da 2014-2015 ikasturtetik eta hezkuntza teknologiaren alorrean ikertzeko ikuspuntuekin erlazionatutako irakasgaian parte hartzen du. Elkarrikertuz (IT1586-22) ikerketa taldeko kidea. Red Universitaria de Tecnología Educativa sareko zuzendaria da eta REUNI+D sareko kidea. Ikerketa ildoen artean irakaslegoaren ikaskuntza eta ikaskuntza esperientzien elkartrukea ditu, hezkuntzaren inguruko hausnarketa eta ezagutzaren eraikitzea sustatuz, prozesu narratzaile eta digitalak erabiliz paradigma edo ikuspuntu kualitatibotik haratago.

Maria Altuna Lizarraga (@marialtunalizarraga) Zizurkilen jaio eta Bilbon bizi den ilustratzailea, zeramikaria eta artista bisuala da. Euskal emakume sortzaile gisa, ilustrazioa eta zeramika bere etengabeko bilakaeraren parte dira. Bere lana egunerokoaren eta afektiboaren arteko harremanek ezaugarritzen dute, itxuraz ezaguna denari esanahi berria emanez, esperientzia intimoak gogora ekartzeko eta zentzumenekin konektatzeko. Ikerketa artistikoaren barruan, sorkuntzatik hezkuntzara lerratzen da, eta bere buruari galdetzen dio nola sortze-prozesuen materialtasunetik sortzen den jakintza mota haragitu eta kokatu bat, bestela eman ezin litekeena. Gainera, zenbait argitalpen akademikoren egilekidea da, hala nola, IEYA Aldizkaria (2020), EARI Aldizkaria (2016), Arte y Políticas de Identidad Aldizkaria (2016). Eusko Jaurlaritzaren eta Bizkaiko Foru Aldundiaren proiektuetarako ilustrazioak sortu ditu, baita hainbat udal eta erakunde publiko eta pribaturentzat ere. Arte Ederretan lizentziatua, “Ikerketa eta sorkuntza artean” eta “Irakasleen prestakuntza” masterrak ere egin ditu, Hezkuntza Fakultateko Plastika saileko irakasle gisa lan egin duen unibertsitate berean.

Doktoretza aurreko ikertzailea prestakuntzan, Euskal Herriko Unibertsitateko (UPV/EHU) Didaktika eta Eskola Antolakuntza Sailean, Hezkuntza, Filosofia eta Antropologia Fakultatean. Elkarrikertuz ikerketa taldeko kidea (IT1586-22). Intereseko gaiak eta ikerketa-jarduerak gorputzaren, gorputz-subjektibotasunaren eta giro afektiboaren ingurukoak dira; ikerketa narratibo, performatibo eta ikaskuntza dialogikotik abiatuta. Ikerketa-proposamenak irakasleen hasierako prestakuntzako ikasleetan ardazten dira. Duela gutxi, unibertsitate-gazteen ikaskuntza-ibilbideak ardatz dituen ikerketa-proiektu batean parte hartu du (TRAY-AP, PID2019-108696RB-I00).

Pedagogian lizentziatu zen Madrilgo Unibertsitate Konplutentsean eta doktoretza lortu zuen Euskal Herriko Unibertsitatean. Katedraduna da Didaktika eta Eskola Antolakuntza sailean UPV/EHUn, eta bertan ari da lanean 1984tik, irakasleen hasierako eta etengabeko prestakuntzan, ikerketan eta hezkuntza-ikertzaileen prestakuntzan. Hainbat proiektu zuzendu eta ko-zuzendu ditu, eta I+Gko hainbat proiektutan parte hartu du; adibidez, "Trayectorias de aprendizaje de jóvenes universitarios: concepciones, estrategias, tecnologías y contextos" (PID2019-108696RB-I00) 2020tik 2024ra. REUNID sarearen parte den Elkarrikertuz ikerketa taldeko kidea da. Artikulu, kapitulu eta liburu ugari argitaratu ditu Espainiako eta nazioarteko argitaletxe eta aldizkarietan. Hogei doktore-tesi baino gehiago zuzendu ditu UPV/EHUn, besteak beste: • StudyTelling: hacia un ecosistema digital de enseñanza-aprendizaje (2024) • Estudio de los cuidados desde el aula de educación infantil (2023)

Arte Ederretan lizentziatua (2010) eta UPV/EHUko Filosofia eta Hezkuntza Zientzietan doktorea, Psikodidaktika: Hezkuntzaren Psikologia eta Berariazko Didaktikak (2017) programaren barruan. 2018tik gaur arte, irakasle laguntzaile doktorea da Bilboko Hezkuntza Fakultatean eta Elkarrikertuz ikerketa taldeko kidea (IT586-22). Bere ikerketa- eta irakaskuntza ibilbidea lotuta dago, batez ere, irakasleen prestakuntzarekin, harreman pedagogikoekin eta hezkuntza-testuinguruetako ikusizko arteen ikerketarekin eta ikaskuntzarekin.

Euskal Herriko Unibertsitateko (UPV/EHU) Hezkuntza, Filosofia eta Antropologia Fakultateko irakaslea. Elkarrikertuz ikerketa-taldeko kidea (IT1586-22). Bere ikerketa-jarduera gazteen ikaskuntzan, arteetan oinarritutako ikerketan eta materialismo berrietan oinarritzen da. Haur Hezkuntzako irakasleen identitatearen eraikuntzarekin lotutako proiektuetan parte hartu du, bai hasierako prestakuntzan, bai laneko lehen urteetan (Ekonomia eta Lehiakortasun Ministerioa, EDU2010-20852-C02-02), baita Haur eta Lehen Hezkuntzako irakasleen aprendizaian ere (Ekonomia, Enpresa eta Lehiakortasun Ministerioa, EDU2015-70912-C2-2-R). Bere azken proiektua unibertsitateko gazteen ikaskuntza-ibilbideetan zentratzen da (TRAY-AP, PID2019-108696RB-I00).

Arte Ederretan lizentziatua eta UPV / EHUko Psikologiako eta Didaktika Espezifikoetan doktorea “El devenir del Acontecimiento Poroso: Vivencia del Espacio Social a través de Prácticas estéticas Contemporáneas” izenburupean. Irakasleen hasierako prestakuntzan sentsibilitate estetikoa garatzen laguntzen duten Arte garaikidearen inguruko estrategiak ikertzen ditu. Testuinguru horretan, eguneroko bizitzan bizi dugun espazioan jartzen du arretan, honek nola eraikitzen gaituen hausnartuz. 2013az geroztik, UPV / EHUko Bilboko Hezkuntza Fakultateko irakaslea da. Bere didaktika jarduera Lehen eta Haur Hezkuntzako Graduetan oinarritzen da. Haur Hezkuntzan, Hezkuntza Berrikuntzako Minorreko kidea da, eta “Ikusizko Arteek Berrikuntzari egindako ekarpenak” irakasgaian irakasten du. Bere lanbide praktika, unibertsitatearen eta gizartearen arteko bitartekari lanetan aritzeagatik nabarmentzen da, eta horregatik bere lanaren zati handi bat, gizarte-eragile ezberdinekin elkarlanean ezagutza transferitzeko trebakuntza, tailerretan, egitasmoen antolakuntzarekin (...) harremantzen da.

Euskal Herriko Unibertsitateko (UPV/EHU) Hezkuntza, Filosofia eta Antropologia Fakultateko irakasle agregatua. Elkarrikertuz ikerketa taldeko kidea (IT586-22). Bere irakaskuntza eta ikerketa nagusiki irakaskuntza prestakuntzan, irakaskuntza eta ikerketa berrikuntzan eta hezkuntza testuinguruetan Ikusizko Arteetan oinarritutako ikaskuntzan oinarritzen da. Bere azken proiektua unibertsitateko gazteen ikaskuntza-ibilbideetan oinarritzen da (TRAY-AP, PID2019-108696RB-I00)

Eskulturako katedraduna da Alteako Arte Ederren Fakultatean, O.R.G.I.A taldeko artista, eta CIAko Arteen Ikerketa Zentroko eta MUECAS masterreko zuzendaria da Miguel Hernández Unibertsitatean. Irakasle eta ikertzaile gisa egin duen ibilbidean, ikasketa kulturalen esparruan, eta bereziki ikasketa feministen eta queer/cuir ikasketen esparruan, ikusizko arteen eta sorkuntza artistikoaren konplexutasun politikoan eta potentzial kritiko eta eraldatzailean espezializatu da.

Laura Trafí-Prats Reader da Manchesterreko Unibertsitate Metropolitarreko Hezkuntza Fakultatean, eta Arte Ederretako doktorea Bartzelonako Unibertsitatean, Arteen Hezkuntzan fokalizatuta. Trafí-Prats Gizarte eta Hezkuntza Ikerketarako Institutuko (ESRI) kidea da, eta Wisconsin-Milwaukee Unibertsitateko Arte eta Diseinu Departamentuko irakasle elkartua. Bere interesen artean daude gazteekin hiri-inguruneetan parte hartzeko ikerketa, ikuspegi eko-sentsorialak eta arteetan oinarritutako ikerketan espekulatiboak. Argitaratzaileetako bat da, Aurelio Castro-Varelarekin batera, Visual Participatory Arts-Based Research in the City: Ontology, Aesthetics and Ethics (2022, Routledge). Trafí-Prats-ek hogeita hamar ikerketa-artikulu eta kapitulu akademiko baino gehiago argitaratu ditu.

Berrikuntzarako Cotec Fundazioko Hezkuntza eta Prestakuntza zuzendaria. Unibertsitateko hainbat erakundetan egin du bere ibilbide profesionala, hala nola irakasle, ikertzaile eta kudeaketa-lanpostuen arduradun gisa. Horien artean, Hezkuntza Berriztatzeko Unitatearen zuzendaritza eta Camilo José Cela Unibertsitateko Berrikuntzako Errektoreordetza nabarmentzen dira. Pedagogian doktorea da (Madrilgo Unibertsitate Konplutentsean), eta hezkuntza-arloko ikerketa-ildoen artean ditu hezkuntza-berrikuntza, irakasleen prestakuntza eta teknologiaren erabilera didaktikoa ikaskuntza-ingurune inklusiboetan. Cotec-eko Hezkuntza Zuzendari gisa, fundazioaren hezkuntza-arloa zuzentzen du, bi jarduera-ildo nagusitan ardaztuta: alde batetik, hurbilketa berritzaileak bultzatzea hezkuntza-ikerketaren eremuan, hala nola portaeraren ekonomia edo adimen artifiziala; eta, bestetik, fundazioak berrikuntza publikoaren arloan egiten duen lana koordinatzen du, eta politika publikoen esperimentazio- eta pilotatze-prozesuak eta gizarte-zientzietako transferentzia-prozesuak bultzatzen ditu.