Euskararen lekukotasunak orain eta lehen

Uzt. 03 - 03. Uzt, 2025 Kod. L03-25

All events

PDFa eskuratu

Azalpena

Euskal testu zaharrenetatik orain arte, dialektoak ageri dira euskaran. Barne zatiketa ageri du gure hizkuntzak, eta zatiketa horren atal nagusiak euskalkiak ditugu. Gaur egungo ikuspegian, nortasun handieneko aldaki dialektalak muturretakoak dira, bizkaiera eta zuberera, baina zubereraren ezagutza kronologikoa ez da mendebaleko euskararena bezain sakona.

Horregatik, Uda Ikastaro honetan tartea eskainiko zaio zubererari, bi hitzaldiren bitartez. Ondotik, Baigorriko egungo mintzoaren inguruan hitz egingo da, eta egunaren bigarren partea euskararen tratamenduei eta bereziki hitanoari eskainiko zaio. Aurkeztuko diren lekukotasun gehienak ahozkoak izango dira, baina eskuizkribuetan oinarritutako lekukotasun idatzi batzuk ere hartuko dira ardatz ikastaroan zehar.

Irakurri gehiago

Helburuak

Euskalki batzuen lekukotasuna ekartzea: zuberera, behe-nafarrera eta gipuzkera, bereziki, Urola bailarako hizkera.

Euskararen tratamenduei eta, bereziki, hitanoari tartea eskaintzea.

Euskalkien gaur egungo ezaugarriak nahiz denboran zeharreko bilakaera aztertzeko metodo zenbait azaltzea.

Ahozko jardunean oinarritutako lanabes batzuk eta iturri idatzietatik hartutako beste batzuk erakustea.

Euskalkien inguruan lanean ari diren mugaren bi aldeetako ikertzaileentzako elkargune izatea.

Irakurri gehiago

Jarduera nori zuzenduta

Unibertsitateko ikaslea
Profesionalak
Irakasleak
Publiko orokorra

Kolaboratzaileak

Zuzendariak

Irantzu Epelde Cendoya

IKER CNRS (UMR 5478)

Hizlariak

Alex Artzelus

Maider Bedaxagar

Irantzu Epelde Cendoya

IKER CNRS (UMR 5478)

Bill Haddican

Beñat Muguruza Aseguinolaza

UPV/EHU

Beñat Muguruza (Irun, 1987) Ingeles Filologian lizentziatu zen EHUn. Azken urtea Fort Lewis College-n egin ondoren (Colorado, AEB), EHUn Language Acquisition in Multilingual Settings (LAMS) masterra egin zuen. Doktorego-tesian ingelesaren presentzia aztertu zuen EHUn, Jasone Cenoz eta Durk Gorterren zuzendaritzapean. Tartean, hiru hilabeteko egonaldia egin zuen Sabhal Mòr Ostaig gaeliko bidezko unibertsitatean (Eskozia). Mondragon Unibertsitatean urtebetez lan egin eta gero, Bortzirietako Euskara Mankomunitatean aritu zen euskara teknikari. 2016an Parisko Sorbona Unibertsitatean jadun zuen euskara irakurle, Etxepare Institutuaren eskutik. Orain EHUn dabil irakasle eta ikertzaile, Euskal Hizkuntza eta Komunikazioa Sailean.