
Demokrazia birpentsatu eta eraikitzea eraldatzen ari den nazioarteko ordenaren testuinguruan
Description
Ikastaro honen helburu nagusia da demokraziak bizi duen eraldaketa krisiari buruz hausnartzea; izan ere, krisi horrek eragina du sistema demokratikoen kalitatean eta funtzionamenduan munduko hainbat tokitan eta gure ingurune hurbilenean.
Demokraziaren eraldaketa krisia fenomeno konplexua da, eta honako hauek biltzen ditu: erakunde publikoekiko mesfidantza, populismoaren gorakada, desberdintasun ekonomikoak, arau demokratikoen higadura eta erronka globalei aurre egiteko zailtasuna. Krisi honi aurre egiteko, funtsezkoa da konpromiso zibikoa biziberritzea, erakunde demokratikoak indartzea eta gizarteko sektore guztien kezkak entzuten dituen elkarrizketa inklusiboa sustatzea.
Ikastaro honetan, munduan demokrazia eraldatzea eragiten duten faktoreei erreparatuko diegu, gure inguruko demokrazietan zer gertatzen den azaltzen saiatuko gara, eta Euskal Herriaren egoeraz ere arduratuko gara. Sakonduko dugu demokraziaren eraldaketaren eta horren ondorioen inguruko eztabaida politikoaren egungo egoeran; aztertuko ditugu gure inguruko gizarteek eta, bereziki, euskal gizarteak demokraziari eusteko eta demokrazia finkatzeko dituzten funtsezko erronkak, bai politika publikoen ikuspegitik, bai herritarren kultura politikoaren ikuspegitik.
Demokrazia liberalek erronka handia dute gaur egun gizarte kontratu berri bat birdefinitzeko. Kontratu horretan, definituko dira egitura publikoen zeregina eta herritarrek eta gizarte antolatuak espazio komun horren antolaketan duten zeregina. Hori izango da demokrazia liberalek aurrean duten zeregin handietako bat, eta agenda sozial berri baten testuinguruan jorratu beharko da; hori guztia nazioartean nolabaiteko egonkortasuna lortzearekin lotuta egongo da. Egungo globalizazio ekonomikoak ez du ekarri gobernantza global bat edo munduko ordena berri bat eraikitzea; energia iturrien gaineko kontrola lortzeko borrokan egiazta daiteke eredu demokratikoaren edo eredu autoritarioaren aldeko apustua egiten duten herrialdeen arteko antagonismoa. Europar Batasunak sendotu egin beharko du demokraziaren, ekonomiaren eta gizarte kohesioaren ikuspegitik. Datozen urteetan egoera honi aurre egin beharko diogu.
Objectives
Munduan demokraziaren eraldaketa eragiten duten faktoreak sakon aztertzea eta inguruko demokrazien testuinguru politiko, ekonomiko eta soziala azaltzea. Hauek dira testuinguru horren ezaugarri nagusiak: erakundeen krisia, bitartekaritza-krisiak, herritarren desafezioa, polarizazioa eta populismoaren gorakada.
Demokraziaren eraldaketari buruzko egungo eztabaidaren egoeraz hausnartzea eta horrek iritzi publikoan dituen ondorioak aztertzea. Horretarako, komunikabide tradizionalen, sare sozialen, aktore politikoen eta herritarren papera aztertuko da gure inguruko gizarteetan, bereziki euskal gizartean.
Inguruko gizarteek, eta bereziki euskal gizarteak, demokrazia mantendu eta sendotzeko dituzten erronka nagusiak aztertzea, bai politika publikoen ikuspegitik, bai herritarren kultura politikoaren ikuspegitik.
Kontratu sozial berri baten beharra aztertzea. Kontratu horrek erakundeen, antolatutako gizartearen eta herritarren arteko harreman-sistema berri bat ekarriko luke, COVID osteko agenda politiko berriari heltzeko eta demokrazia birsortzeko beharrari erantzuteko.
Activity directed to
- All public
- Professionals
- Administrazio publikoa
Directors

Yosu Arraiz Aramburu
Gipuzkoako Foru Aldundia
Xabier Barandiaran Irastorza
Responsable de Estrategia de Etorkizuna Eraikiz
Adviser to the General Deputy of Gipuzkoa and one of the main promoters of the development of Etorkizuna Eraikiz. He is a Doctor in Sociology and Full Professor at the Faculty of Social and Human Sciences of the University of Deusto.
Registration fees
Face-to-face | Until 05-09-2025 |
---|---|
0 EUR |
Venue
Miramar Palace
Pº de Miraconcha nº 48. Donostia / San Sebastián
Gipuzkoa
Miramar Palace
Pº de Miraconcha nº 48. Donostia / San Sebastián
Gipuzkoa